ماسکو (صداۓ روس)
روسی فوج نے خارکوف ریجن کے علاقے زیملیانکی پر کنٹرول حاصل کرنے کے بعد یوکرینی فوجی یونٹس کو بیلگورود سرحد سے تقریباً 2 کلومیٹر پیچھے دھکیل دیا ہے۔ یہ دعویٰ روسی فوجی ماہر آندرے ماروچکو نے کیا ہے۔ روسی خبر رساں ادارے سے گفتگو کرتے ہوئے انہوں نے کہا کہ خارکوف سمت میں پیش رفت کے نتیجے میں روسی افواج بیلگورود سرحدی علاقے کے ساتھ ایک بفر زون تشکیل دے رہی ہیں۔ ان کے مطابق زیملیانکی پر قبضے کے بعد یوکرینی فورسز کو روسی سرحد سے مزید دور کر دیا گیا ہے، جس سے سرحدی علاقوں کے تحفظ میں مدد ملے گی۔ یاد رہے کہ روسی وزارتِ دفاع نے 28 اپریل کو خارکوف ریجن میں زیملیانکی پر کنٹرول قائم کرنے کا اعلان کیا تھا۔
روس اور یوکرین کے درمیان جاری جنگ میں سرحدی علاقوں کی اہمیت مسلسل بڑھ رہی ہے، جہاں دونوں جانب سے عسکری کارروائیاں جاری ہیں۔
