ماسکو (انٹرنیشنل ڈیسک)
سعودی عرب کی تیل برآمدات میں ستمبر کے دوران تقریباً دوگنا اضافہ ریکارڈ کیا گیا ہے۔ خبر رساں ادارے روئٹرز نے تجزیاتی کمپنی کپلر کے اعداد و شمار کے حوالے سے بتایا ہے کہ سعودی عرب نے رواں ماہ یومیہ تقریباً 54 لاکھ بیرل تیل برآمد کیا، جبکہ اگست میں یہ مقدار تقریباً 24 لاکھ بیرل یومیہ تھی۔ رپورٹ کے مطابق مشرق وسطیٰ کے بڑے تیل پیدا کرنے والے ممالک کی خام تیل برآمدات بھی ستمبر میں بڑھ کر یومیہ 1 کروڑ 28 لاکھ بیرل تک پہنچ گئی ہیں، جو فروری کے اواخر میں امریکا اور اسرائیل کی جانب سے ایران کے خلاف فوجی کارروائی شروع ہونے کے بعد خطے کی بلند ترین سطح ہے۔
فوجی کارروائی شروع ہونے سے قبل خطے سے خام تیل کی برآمدات یومیہ 1 کروڑ 88 لاکھ بیرل سے زیادہ تھیں۔ روئٹرز کے مطابق برآمدات میں یہ بحالی آبنائے ہرمز کے ذریعے تیل کی ترسیل میں بہتری کے بعد سامنے آئی ہے۔ ابتدائی اعداد و شمار کے مطابق ستمبر میں آبنائے ہرمز کے ذریعے تیل کی برآمدات تقریباً یومیہ 74 لاکھ بیرل تک پہنچنے کا امکان ہے.
