سعودی عرب کی روسی تیل اور گیس کی پیداواری آلات میں دلچسپی، وزیرصنعت
ماسکو (صداۓ روس)
سعودی عرب روسی تیل اور گیس کی پیداواری آلات میں دلچسپی ظاہر کر رہا ہے۔ یہ بات روسی وزیر صنعت و تجارت انتون علیخانوف نے سعودی عرب میں منعقدہ انوپروم ایگزیبشن کے موقع پر صحافیوں سے گفتگو کرتے ہوئے کہی۔ انہوں نے کہا: “جی ہاں، یقیناً۔” جب ان سے روسی آلات میں دلچسپی کے بارے میں پوچھا گیا تو انہوں نے بتایا کہ سعودی حکام کے ساتھ معیارات کی منظوری اور تعاون کے لیے بات چیت جاری ہے۔ وزیر نے مزید کہا کہ “ہم سعودی عرب کے ساتھ اپنے انسٹی ٹیوٹ آف آئل اینڈ گیس ٹیکنالوجی انیشی ایٹوز (INTI) کے ذریعے تعاون بڑھانے پر بات کر رہے ہیں۔ متحدہ عرب امارات کی طرح جہاں INTI کے تیار کردہ 50 سے زائد معیارات کو پہلے ہی منظور کیا جا چکا ہے۔” انہوں نے بتایا کہ اب بنیادی کام سعودی آرامکو کے ساتھ معاملہ طے کرنے کا ہے۔ “یہ بہت اہم ہے کہ سعودی مارکیٹ کی یہ سب سے بڑی کمپنی بھی INTI کے تیار کردہ معیارات کو سرٹیفائی اور اپنائے۔ ہم امید کرتے ہیں کہ آنے والے مہینوں میں، بہار کے موسم میں، ٹیکنالوجی ڈے کا انعقاد کریں گے اور اپنے سعودی دوستوں کو اپنے حل پیش کریں گے۔”
