یونین اسٹیٹ کا تحفظ محفوظ ہاتھوں میں ہے، صدر پوتن
ماسکو (اشتیاق ہمدانی)
روسی صدر Vladimir Putin نے کہا ہے کہ روس اور بیلاروس پر مشتمل یونین اسٹیٹ کا تحفظ محفوظ اور قابلِ اعتماد ہاتھوں میں ہے اور اسے ہر صورت یقینی بنایا جائے گا۔ انہوں نے یہ بات سالانہ پریس کانفرنس اور براہِ راست سوال و جواب کے مشترکہ سیشن ’’نتائجِ سال‘‘ کے دوران کہی۔ صدر پوتن کا کہنا تھا کہ یونین اسٹیٹ کی سلامتی روسی اور بیلاروسی افواج کے مضبوط تعاون کی بدولت محفوظ ہے۔ انہوں نے زور دیا کہ دونوں ممالک نہ صرف دوطرفہ سطح پر بلکہ Collective Security Treaty Organization کے فریم ورک کے تحت بھی سلامتی کے معاملات پر قریبی رابطے میں ہیں۔ انہوں نے مزید بتایا کہ بیلاروس میں اسٹریٹجک دفاعی اقدامات، مشترکہ فوجی مشقیں اور مشترکہ دستوں کی تشکیل پہلے ہی عمل میں لائی جا چکی ہے۔ صدر پوتن کے مطابق، روس اور بیلاروس کی وزارتِ دفاع کے درمیان تعاون انتہائی مضبوط اور مسلسل ہے۔
صدر پوتن نے بیلاروس کے صدر Alexander Lukashenko کے حالیہ بیان کا حوالہ دیتے ہوئے کہا کہ بیلاروس میں تزویراتی نوعیت کے دفاعی نظام کی تعیناتی اور مشترکہ دفاعی تیاریوں کا مقصد خطے میں استحکام کو یقینی بنانا ہے۔ ان کا کہنا تھا کہ موجودہ عالمی صورتحال کے تناظر میں روس اور بیلاروس کی مشترکہ دفاعی حکمتِ عملی یونین اسٹیٹ کے امن و سلامتی کی مضبوط ضمانت ہے۔ 
