یوکرین کو ٹینکوں کی فراہمی، مغرب سے تصادم نئی سطح پرچلا جائے گا، روس

ماسکو: صداۓ روس
ویانا میں روس کے وفد کے سربراہ فوجی سلامتی اور ہتھیاروں کے کنٹرول سے متعلق مذاکرات کے سربراہ کونسٹنٹین گیوریلوف نے روسیہ 24 ٹی وی چینل کو بتایا کہ کیف حکومت کو ٹینکوں کی فراہمی شروع ہونے کے بعد مغربی ممالک روس کے ساتھ محاذ آرائی کی ایک نئی سطح پر جائیں گے. انہوں نے یوکرین کو ٹینکوں کی فراہمی کے بارے میں مغربی ممالک کے بیانات پر تبصرہ کرتے ہوئے کہا کہ اس سے پہلے ہم چھوٹے ہتھیاروں کے مسائل سے نمٹ رہے تھے، یعنی ان ہتھیاروں کو یوکرین جانے سے روکنا جس میں پورٹیبل ایئر ڈیفنس سسٹمز بھی شامل تھا مگر اب مغربی ممالک کی جانب سے یوکرین کو ٹینکوں کی فراہمی کے بیان کے بعد روس کے ساتھ مغرب کا ممکنہ تصادم ایک نئی سطح پر چلا جائے گا.

یاد رہے رہے اس سے قبل یوکرین میں ٹینک بھیجنے کے حق میں دلیل دیتے ہوئے جرمن وزیر خارجہ اینالینا بیربوک نے کہا کہ یورپی یونین کے ممالک روس کے خلاف جنگ لڑ رہے ہیں اور اب وقت ا گیا ہے کہ جرمنی یوکرین کو ٹینک فراہم کرے گا۔ جبکہ امریکی اور یورپی یونین ہمیشہ اس دعویٰ سے انکار کرتے چلے آئے ہیں کہ وہ یوکرین کے تنازع میں فریق ہیں.