ماسکو (صداۓ روس)
روسی وزارت خارجہ کی ترجمان ماریا زاخارووا نے کہا ہے کہ جاپانی وزیراعظم سنائی تاکائیچی میں 81 سال قبل جاپان پر ایٹم بم گرانے والے ملک کا نام لینے کی ہمت نہیں ہے۔ انہوں نے کہا کہ ناگاساکی پر ایٹم بمباری کی 81ویں سالگرہ کی تقریب میں تاکائیچی نے یہ نہیں بتایا کہ امریکا نے یہ بم گرایا تھا۔
زاخارووا نے ٹیلیگرام پر لکھا کہ کیا جاپان کی موجودہ قیادت سمجھتی ہے کہ ہیروشیما اور ناگاساکی پر ایٹمی یو ایف او گرے تھے؟ انہوں نے کہا کہ ناگاساکی کے میئر شیرو سوزوکی نے براہ راست کہا کہ یہ بم امریکی فوجی طیارے نے گرایا تھا۔
اس سے قبل ہیروشیما کے میئر کازومی ماتسوئی اور وزیراعظم تاکائیچی نے بھی ہیروشیما کی یاد میں منعقدہ تقریب میں امریکا کا نام نہیں لیا تھا، جبکہ اقوام متحدہ کے سیکرٹری جنرل انتونیو گوتریش نے بھی اپنے پیغام میں ایسا نہیں کیا۔
