ماسکو(انٹرنیشنل ڈیسک)
امریکا اور کینیڈا کے درمیان تجارتی تنازع شدت اختیار کر گیا ہے۔ کینیڈا نے 20 ارب ڈالر مالیت کی امریکی اشیاء پر جوابی ٹیرف عائد کر دیے، جو 15 سے 50 فیصد تک ہیں اور اسٹیل، ڈیری مصنوعات، گھریلو آلات، زرعی آلات، کاغذ اور الیکٹرانکس کو نشانہ بناتے ہیں۔ دونوں ممالک کے درمیان مذاکرات 21 اگست کو ٹوٹ گئے تھے اور ابھی تک دوبارہ شروع نہیں ہوئے۔ واشنگٹن پہلے سے ہی نئے جوابی اقدامات پر غور کر رہا ہے۔ دی گارڈین کے مطابق کینیڈا کا یہ اقدام امریکی ٹیرف کے جواب میں ہے۔ کینیڈا کے وزیراعظم مارک کارنی نے کہا کہ امریکی شرائط ناقابل قبول ہیں، خاص طور پر وہ مطالبات جو کینیڈا کے دوسرے ممالک کے ساتھ تجارتی معاہدوں اور کیوبیک میں فرانسیسی زبان کے تحفظ کو متاثر کرتے ہیں۔ رائٹرز/ایپسوس پول کے مطابق صرف 20 فیصد امریکی صدر ٹرمپ کے کینیڈین اشیاء پر ٹیرف کی حمایت کرتے ہیں، اور 73 فیصد امریکیوں کا خیال ہے کہ ان ٹیرف سے خوراک اور دیگر اشیاء کی قیمتوں میں اضافہ ہوگا۔
