روس میں پہلی اولاد کی پیدائش کی اوسط عمر 26 سال قرار
ماسکو (صداۓ روس)
روس کی وزارتِ صحت نے اعلان کیا ہے کہ روس میں خواتین کی پہلے بچے کی پیدائش کی اوسط عمر آج کل تقریباً 26 سال ہے۔ یہ بات خواتین کی تولیدی صحت کی چیف فری لانس ماہر نتالیہ دولگوشینا نے 6 جنوری کو بتائی۔ ان کے مطابق، آج روس میں خواتین عموماً 26 سال کی عمر میں اپنے پہلے بچے کو جنم دیتی ہیں۔ نتالیہ دولگوشینا نے خبردار کیا کہ حمل کو زیادہ عمر تک مؤخر کرنے سے تولیدی صحت کو لاحق خطرات میں اضافہ ہو سکتا ہے اور بانجھ پن کے امکانات بھی بڑھ جاتے ہیں۔ انہوں نے واضح کیا کہ وزارتِ صحت کی جانب سے بچوں اور نوعمروں کے ساتھ ساتھ بالغ آبادی میں بھی تولیدی صحت کے تحفظ اور اس سے متعلق آگاہی پر بھرپور توجہ دی جا رہی ہے۔ ان کا کہنا تھا کہ 2024 سے ایک غیر معمولی اقدام کے تحت تولیدی عمر کی بالغ آبادی کے لیے تولیدی صحت کے جائزے پر مشتمل طبی معائنہ شروع کیا گیا ہے۔
نتالیہ دولگوشینا کے مطابق، 2025 کے ابتدائی دس ماہ میں تقریباً 1 کروڑ 30 لاکھ شہریوں نے یہ طبی معائنہ کرایا، جن میں سے اکثریت میں تولیدی نظام سے متعلق کوئی بیماری سامنے نہیں آئی۔ واضح رہے کہ اس سے قبل 25 دسمبر کو یہ اطلاع دی گئی تھی کہ روس میں پہلی اولاد کی پیدائش کی اوسط عمر تقریباً 31 سال ہے۔ اس موقع پر روسی اکیڈمی آف سائنسز کے رکن گینادی اونیشینکو نے بتایا تھا کہ داغستان، انگوشیتیا اور ماسکو زرخیزی کے لحاظ سے سرفہرست ہیں، جبکہ 2025 میں ملک کے 26 خطوں میں شرحِ پیدائش میں اضافہ ریکارڈ کیا گیا۔ 
