بالی میں خوفناک واقعہ: ٹائیگر کی 18 فٹ اونچی چھلانگ، بالکونی پر جا پہنچا
ماسکو (انٹرنیشنل ڈیسک)
ویڈیو وائرل، ماہرین حیاتیات نے واقعے کو ارتقائی تبدیلیوں کی علامت قرار دیا. انڈونیشیا کے جزیرے بالی کے ایک چھوٹے سے گاؤں میں ایک شخص اس وقت حیران رہ گیا جب اس نے اپنی دوسری منزل کی بالکونی پر ایک شیر کو بیٹھا ہوا پایا۔ خوف زدہ اور الجھن میں مبتلا شخص نے فوراً سڑک کے پار نصب سی سی ٹی وی کیمرے کی فوٹیج حاصل کی تاکہ یہ معلوم کیا جا سکے کہ شیر وہاں کیسے پہنچا۔ فوٹیج دیکھ کر سب دنگ رہ گئے — ویڈیو میں واضح طور پر دکھایا گیا کہ شیر نے زمین سے 18 فٹ اونچی چھلانگ لگائی اور ایک ہی جست میں دوسری منزل کی ریلنگ پھلانگ کر بالکونی میں داخل ہو گیا۔ یہ ویڈیو چند گھنٹوں میں سوشل میڈیا پر وائرل ہو گئی، لاکھوں صارفین نے اسے “ثبوت کہ بڑے بلی نما جانور دراصل سپرچارجڈ گھرلی بلیاں ہیں” قرار دیا۔ ماہرین جنگلی حیات کے مطابق یہ اب تک ریکارڈ ہونے والی سب سے طاقتور شیروں کی چھلانگوں میں سے ایک ہے۔
ماہرین کا کہنا ہے کہ یہ واقعہ محض حیران کن نہیں بلکہ ارتقائی تبدیلیوں کی نشاندہی بھی کرتا ہے۔ ان کے مطابق اب جانور اپنی ضروریات پوری کرنے کے لیے نئی جسمانی صلاحیتیں پیدا کر رہے ہیں۔ ماہرین نے یہ بھی بتایا کہ شیر دنیا کا سب سے بڑا بلی نما جانور ہے۔ جنوبی ایشیا میں بنگال ٹائیگر عام طور پر سندر بن اور دیگر گرم جنگلاتی علاقوں میں پایا جاتا ہے، لیکن حالیہ میڈیا رپورٹس کے مطابق اب نیپال اور بھوٹان کے ہمالیائی پہاڑوں میں بھی شیروں کی موجودگی ریکارڈ کی گئی ہے — جہاں وہ 9000 فٹ بلند مقامات پر گھومتے پائے گئے۔ یہ تبدیلی اس بات کی علامت ہے کہ شیروں کا ارتقائی دور جاری ہے۔ 
