ماسکو (صدائے روس) ایک طرف سوشل میڈیا پر ترکی کے صدر طیب اردوغان کو زہر دیئے جانے کی جھوٹی خبر پر بھرپور دعائیہ سلسلہ جاری ہے، جب کہ ان خبروں میں کوئی صداقت نہیں۔
یہ خبریں ایک ایسے وقت میں سامنے ائی ہیں جب ترکی کے صدر رجب طیب اردوان نے ایک لائیو ٹی وی انٹرویو کے دوران بیمار طعبیت خراب ہونے کے بعد انتخابی مہم معطل کر دی تھی۔
نشریات کے چند گھنٹوں کے اندر ہی ترکی سے باہر کچھ سوشل میڈیا اکاؤنٹس پر قیاس آرائیاں شروع ہو گئیں کہ صدر اردوغان کو دل کا دورہ پڑا ہے۔

ترک صدر رجب طیب اردوغان کے کمیونیکیشن ز کے سربراہ فرحتین التون نے سوشل میڈیا پر صدر کی صحت کے حوالے سے ’ایسے بے بنیاد دعووں کو واضح طور پر مسترد کیا‘ اور ان الزامات کو پھیلانے والے اکاؤنٹس کی سکرین شاٹس ٹوئٹ کیں۔

ان کا کہنا تھا کہ ‘کوئی بھی غلط معلومات اس حقیقت سے انکار نہیں کر سکتی کہ ترک عوام اپنے رہنما کے ساتھ کھڑے ہیں اور @RTErdogan اور ان کی ’اے کے‘ پارٹی 14 مئی کو ہونے والے انتخابات میں کامیابی کے لیے تیار ہے۔’ اور ان کو ہلکا زکام ہے وہ روبصحت ہیں

رجب طیب اردوغان گزشتہ 21 سال سے اقتدار میں ہیں اور اس سے قبل بھی ایک لائیو ٹی وی انٹرویو کے دوران بیمار پڑ چکے ہیں۔

دوسری طرف ترک رہنما کے دفتر نے بتایا ہے کہ ترک اور روس کے صدور رجب طیب اردگان اور ولادیمیر پوتن نے ٹیلی فون پر بات چیت کے دوران یوکرین کی صورتحال اور اناج کے معاہدے پر عمل درآمد پر تبادلہ خیال کیا۔