Connect with us

تازہ ترین

یوکرین مذاکرات نہیں چاہتا، فوجی آپریشن جاری رہے گا، روس

Published

on

یوکرین مذاکرات نہیں چاہتا، فوجی آپریشن جاری رہے گا، روس

یوکرین مذاکرات نہیں چاہتا، فوجی آپریشن جاری رہے گا، روس

ماسکو: اشتیاق ہمدانی
روسی صدارتی ترجمان دیمتری پیسکوف نے کہا ہے کہ روس یوکرین میں خصوصی فوجی آپریشن جاری رکھتے ہوئے اپنے مقاصد حاصل کرے گا، کیونکہ کیف مذاکرات نہیں کرنا چاہتا۔ پیسکوف نے میڈیا کو بتایا کہ یوکرینی صدر ولادیمیر زیلنسکی نے بارہا ایسے بیان دئیے ہیں کہ جس سے ظاہر ہوتا ہے کہ یوکرین ڈی فیکٹو اور ڈی جیور، مذاکرات نہیں کرنا چاہتا ہے. پیسکوف نے زور دے کر کہا کہ روس کے یوکرین میں اہداف خصوصی فوجی آپریشن جاری رکھنے کے ذریعے ہی حاصل کیے جائیں گے۔ اس کے علاوہ کریملن کے ترجمان نے فرانسیسی صدر ایمانوئل میکرون کی چینی صدر شی جن پنگ سے روسی صدر ولادیمیر پوتن کو یوکرین کے تصفیے کے لیے مذاکرات کی میز پر واپس آنے پر آمادہ کرنے کی درخواست پر بھی تبصرہ کیا۔

پیسکوف نے ایک سوال کے جواب میں کہا کہ کیف مذاکرات پر آمادہ نہیں ہے، لہٰذا ابھی کے لیے، ہمیں مذاکرات کا شروع ہونا نظر نہیں آرہا. انہوں نے مزید کہا کہ کریملن نے امن کے حصول کے لیے دس نکاتی منصوبے کے بارے میں زیلنسکی کے بیانات دیکھے ہیں، جو G20 سربراہی اجلاس میں بنایا گیا تھا۔

قبل ازیں یوکرائنی صدر نے ویڈیو لنک کے ذریعے جی 20 سربراہی اجلاس کے شرکاء سے خطاب کیا۔ انہوں نے کہا کہ لڑائی روکنے کا وقت آ گیا ہے، لیکن انہوں نے مزید کہا کہ کیف مینسک-3 معاہدے پر دستخط نہیں کرے گا۔ واضح رہے 2015 میں طے پانے والے مینسک معاہدوں کا تصور دونباس میں تصفیہ کی بنیاد پر کیا گیا تھا۔ تاہم کیف نے تاخیر کی اور سالوں تک ان معاہدوں کو نافذ کرنے سے انکار کردیا۔

تازہ ترین

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

Published

on

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

اسلام آباد (صداۓ روس)
پاکستان اورانگلینڈ کے مابین پہلے ٹیسٹ میچ کے پہلے روز کئی ریکارڈ بن گئے جبکہ انگلینڈ نے میچ کے پہلے روز 506 رنز بنا کر 112 سال پرانا ریکارڈ بھی توڑ ڈالا۔ انگلینڈ نے صرف 4 وکٹیں گنوا کر 506 رنز بنالیے اس طرح انگلینڈ نے میچ کے پہلے روز 506 رنز بنا کر اپنا ہی 68 سالہ پرانا ریکارڈ توڑ ڈالا۔ اس سے قبل انگلینڈ نے 1954 میں نوٹنگھم ٹیسٹ میں پاکستان کے خلاف ہی ایک دن میں 496 رنز بنائے تھے۔

ایک دن میں سب سے زیادہ رنز بنانے کا بھی ریکارڈ انگلینڈ ٹیم کے ہی پاس ہی جوانہوں نے ہندوستان کے خلاف 588 اسکور کر کے بنایا تھا۔ 9 دسمبر 1910 کو آسٹریلیا نے جنوبی افریقہ کے خلاف پہلے روز 494 رنز سکور کیے تھے۔ پاکستان اور انگلیند کے میچ کے دوران ایک اور ریکارڈ بھی بنا جو کہ ہیری بروک نے سعود شکیل کو ایک اوور میں لگا تار 6 چوکے لگا کر بنایا ۔ اس سے قبل یہ ریکارڈ ایک اوور میں 5 چوکوں کا ہے جو کہ ہندوستان کے جسپریت بھمرا نے انگلش باؤلر سٹورٹ براٹ کو لگائے تھے۔

راولپنڈی میں جاری میچ کے پہلے روز انگلش بلے بازوں نے پاکستانی باؤلرز کی خوب پٹائی کی اور شاندار بیٹنگ کا مظاہرہ کرتے ہوئے رنز کا پہاڑ کھڑا کر دیا۔ انگلینڈ کے پہلے تینوں بلے باز سینچریز سکور کرنے میں کامیاب ہوئے۔ پاکستانی باؤلرز پہلے روز بمشکل 4 کھلاڑیوں کو ہی آؤٹ کر پائے۔ پاکستان کی جانب سے زاہد محمود نے 2 جبکہ حارث رؤف اور محمد علی نے ایک ایک وکٹ حاصل کی۔

راولپنڈی کرکٹ گراؤنڈ میں آج دونوں ٹیموں کے کپتانوں نے ٹرافی کی تقریب رونمائی میں بھی شرکت کی۔

Continue Reading

ٹرینڈنگ