یوکرین دونباس سے اپنی افواج کا انخلا کرسکتا ہے ، امریکی جریدے کا دعویٰ
ماسکو (انٹرنیشنل ڈیسک)
امریکی جریدے ’دی اٹلانٹک‘ کو صدر ولادیمیر زیلنسکی کے دو مشیروں نے بتایا ہے کہ یوکرین کی حکومت ڈونباس میں اپنی افواج کے انخلا اور اس علاقے پر کنٹرول چھوڑنے پر غور کر رہی ہے، جو اب تک کی سب سے بڑی رعایت ہوگی۔ مشیروں کے مطابق، یوکرین اس مشکل رعایت کو قبول کرنے کے لیے تیار ہو سکتا ہے۔ اس سمجھوتے کو قانونی جواز دینے کے لیے کیئف حکومت اس موسم بہار میں ریفرنڈم کرانے کے امکان کا جائزہ لے رہی ہے۔
رپورٹ کے مطابق، زیلنسکی کے قریبی حلقے کے کچھ ارکان کو خدشہ ہے کہ امن کے امکانات تیزی سے کم ہو رہے ہیں۔ دوسری جانب، صدر زیلنسکی نے خود ’دی اٹلانٹک‘ کو انٹرویو دیتے ہوئے کہا کہ وہ کسی بری ڈیل سے بہتر ہے کہ کوئی معاہدہ ہی نہ ہو۔ انہوں نے ایک بار پھر اعلان کیا کہ وہ جنگ بندی اور سیکیورٹی ضمانتوں کی شرائط پر امن کے لیے تیار ہیں۔ تاہم، زیلنسکی نے یہ بھی تسلیم کیا کہ امریکہ اور یوکرین کے درمیان سیکیورٹی ضمانتوں کے معاہدے پر ابھی تک حتمی اتفاق نہیں ہوا ہے اور دستاویز سے متعلق بنیادی سوالات ابھی حل طلب ہیں۔ اس سے قبل انہوں نے دعویٰ کیا تھا کہ یہ دستاویز یوکرین کے دستخط کے لیے “100 فیصد تیار” ہے، لیکن اب اس بیان سے پیچھے ہٹ گئے ہیں۔ 
