ماسکو(انٹرنیشنل ڈیسک)
امریکی سفارت خانوں نے اسرائیل اور مشرق وسطیٰ کے کئی ممالک میں امریکی شہریوں کو مشورہ دیا ہے کہ وہ علاقے سے انخلاء کے لیے تیار رہیں۔ ٹائمز آف اسرائیل کے مطابق سفارت خانوں نے کہا کہ ایرانی حکومت غیر متوقع ہے، جیسا کہ اس کے حالیہ فیصلوں سے ظاہر ہوتا ہے کہ اس نے بغیر کسی وارننگ کے علاقے پر حملے کیے ہیں۔
سفارت خانوں کا کہنا ہے کہ وہ عوام اور ویزا درخواستوں کے لیے کھلی ہیں، تاہم امریکی شہریوں کو مشورہ دیا گیا ہے کہ وہ علاقے کے سفر یا ٹرانزٹ کے اپنے منصوبوں پر نظر ثانی کریں۔ اس سے قبل اسرائیلی میڈیا نے اطلاع دی تھی کہ ایران نے کویت کے ایک فضائی اڈے کو نشانہ بنایا ہے۔ تسنیم نیوز ایجنسی نے ایک سینئر ایرانی سیکیورٹی اہلکار کے حوالے سے رپورٹ دی کہ ایران نے امریکا اور اسرائیل کے ممکنہ حملوں کے لیے ایک جامع جوابی منصوبہ تیار کر لیا ہے۔
سی بی ایس نیوز نے کل رپورٹ دی تھی کہ امریکا اور اسرائیل ایران کے توانائی انفراسٹرکچر کے خلاف بڑے پیمانے پر بمباری مہم کا منصوبہ بنا رہے ہیں، جس میں پاور پلانٹس اور آئل ریفائنریز کو نشانہ بنایا جا سکتا ہے۔
