امریکہ اور ایران امن معاہدے کے بہت قریب پہنچ گئے، امریکی نائب صدر

ماسکو(انٹرنیشنل ڈیسک)

امریکہ اور ایران امن معاہدے کے بہت قریب پہنچ گئے ہیں، تاہم ابھی تک حتمی معاہدہ طے نہیں پایا ہے۔ یہ بات امریکی نائب صدر JD وانس نے صحافیوں سے گفتگو کرتے ہوئے کہی۔ وانس نے کہا کہ “ہم ابھی تک وہاں نہیں پہنچے، لیکن ہم بہت قریب ہیں اور ہم اس پر کام جاری رکھیں گے۔” اس سے قبل Axios نے ذرائع کے حوالے سے رپورٹ کیا تھا کہ امریکی اور ایرانی مذاکرات کاروں نے 60 روزہ سیز فائر اور تہران کے جوہری پروگرام پر مشاورت کے آغاز سے متعلق مفاہمت کے یادداشت کے مسودے پر اتفاق کر لیا ہے۔ رپورٹ کے مطابق دستاویز امریکی صدر ڈونلڈ ٹرمپ کی حتمی منظوری کا منتظر ہے۔ تاہم تسنیم نیوز ایجنسی نے بعد میں مذاکراتی ٹیم کے قریبی ذرائع کے حوالے سے بتایا کہ یادداشت کا متن ابھی تک حتمی طور پر طے نہیں پایا اور نہ ہی منظور ہوا ہے۔