امریکی طیارہ بردار بحری بیڑہ مشرقِ وسطیٰ کی جانب روانہ
ماسکو (انٹرنیشنل ڈیسک)
امریکہ نے ایران کے ساتھ کشیدگی کے باعث مشرق وسطیٰ میں ایئر کریوز اور بحری بیڑہ بھیج دیا. واشنگٹن نے ایران کے ساتھ بڑھتی ہوئی کشیدگی کے پیش نظر مشرق وسطیٰ میں کم از کم ایک ایئر کرافٹ کیریئر سٹرائیک گروپ بھیج دیا ہے۔ یہ اطلاع فاکس نیوز نے فوجی ذرائع کے حوالے سے دی ہے۔ ذرائع کے مطابق یہ تعیناتی USS Abraham Lincoln ایئر کرافٹ کیریئر یا نورفوک اور سان ڈیاگو سے حال ہی میں روانہ ہونے والے جہازوں میں سے کسی ایک کی ہو سکتی ہے۔ اس بحری بیڑے کی دوبارہ تعیناتی میں کم از کم ایک ہفتہ لگے گا۔ ایک ذریعے نے فاکس نیوز کو بتایا کہ اگر امریکی صدر فوجی کارروائی کا فیصلہ کرتے ہیں تو یہ کارروائی مختلف اور زیادہ جارحانہ نوعیت کی ہوگی. حکمت عملی ساز ایران کی حکومت کے اگلے چند دنوں کے اقدامات پر منحصر مختلف منظرناموں کا جائزہ لے رہے ہیں۔ اس کے علاوہ علاقے میں میزائل ڈیفنس سسٹمز بھی تعینات کیے جانے متوقع ہیں تاکہ اسرائیل اور مشرق وسطیٰ میں امریکی اڈوں کے دفاع کو مضبوط بنایا جا سکے۔ یہ اقدامات ایران میں جاری احتجاجات، امریکی دھمکیوں اور خطے میں بڑھتی ہوئی کشیدگی کے تناظر میں کیے جا رہے ہیں۔
