پڑوسی ممالک سے تعاون، امریکیوں کو خطے سے نکالنے کا عزم: ایرانی فوج
ماسکو(انٹرنیشنل ڈیسک)
ایران کی مسلح افواج کے ترجمان نے کہا ہے کہ ایران خطے کے پڑوسی ممالک کے ساتھ تعاون بڑھاتے ہوئے امریکی افواج کو خطے سے نکالنے کے لیے کام کرے گا۔ یہ بیان ایسے وقت میں سامنے آیا ہے جب مشرقِ وسطیٰ میں کشیدگی بڑھ رہی ہے۔ ترجمان کے مطابق ایران نے ان ممالک کو نشانہ نہیں بنایا جنہوں نے ایران پر حملوں کے لیے اپنی فضائی حدود فراہم نہیں کیں۔ ان کا کہنا تھا کہ ایرانی کارروائیاں صرف ان فوجی اڈوں تک محدود رہیں جہاں سے ایران کے خلاف حملے شروع کیے گئے تھے. ایرانی فوج کے مطابق کوشش کی گئی کہ خطے کے پڑوسی مسلم ممالک کو کسی قسم کا نقصان نہ پہنچے. دوسری جانب ایرانی میڈیا کے مطابق Islamic Revolutionary Guard Corps (پاسدارانِ انقلاب) نے United Arab Emirates میں واقع Al Dhafra Air Base پر ڈرون حملہ کیا۔ رپورٹس میں کہا گیا ہے کہ اس کارروائی میں امریکی سیٹلائٹ مواصلاتی نظام، وارننگ ریڈار اور فائر کنٹرول ریڈار کو نشانہ بنایا گیا۔
