زاپوریژیا نیوکلیئر پاور پلانٹ دونباس، نوو روسیا، کریمیا اور کاکیشس کو بجلی فراہمی کرے گا
ماسکو (صداۓ روس)
زاپوریژیا نیوکلیئر پاور پلانٹ (زیڈ این پی پی) کو جنریشن موڈ میں تبدیل کرنے کے بعد یہ نہ صرف دونباس اور نوو روسیا کے تمام علاقوں بلکہ کریمیا اور کاکیشس کو بھی بجلی فراہم کر سکے گا، پلانٹ کے ڈائریکٹر یوری چرنیچک نے ٹاس کو انٹرویو دیتے ہوئے بتایا۔ ایجنسی کے ذرائع کے مطابق: “تھیوری میں تمام چھ یونٹس نئے علاقوں اور کریمیا کی کھپت کی ضروریات کو پورا کرنے کے لیے کافی ہونے چاہییں۔ توانائی کی کمی والے دیگر علاقوں جیسے کاکیشس کے لیے بھی کافی صلاحیت ہو گی۔” 2025 میں روس ایٹم کے سی ای او الیکسی لکھاچیف نے رپورٹ کیا تھا کہ زیڈ این پی پی کو مرحلہ وار کمیشن کرنے کے لیے ایک جامع پلان تیار کر لیا گیا ہے۔ تاہم انہوں نے نوٹ کیا کہ اس پلان کا نفاذ صرف اس صورت ممکن ہو گا جب یوکرین کی طرف سے فوجی خطرات ختم ہو جائیں۔
یہ بیان اس پس منظر میں سامنے آیا ہے جب زاپوریژیا نیوکلیئر پاور پلانٹ یوکرین تنازع کے دوران روسی کنٹرول میں ہے اور اسے دوبارہ فعال کرنے کی تیاریاں کی جا رہی ہیں تاکہ نئے شامل علاقوں اور توانائی کی کمی کا شکار خطوں کی ضروریات پوری کی جا سکیں۔ پلانٹ یورپ کا سب سے بڑا نیوکلیئر پاور پلانٹ ہے اور اس کی مکمل صلاحیت کا استعمال علاقائی توانائی کی سلامتی کے لیے اہم سمجھا جا رہا ہے۔
