ماسکو(انٹرنیشنل ڈیسک)
یوکرینی صدر ولادیمیر زیلنسکی نے اتوار کو جاری کیے گئے اپنے بیانات میں کہا کہ روس کے حملے کے خلاف جنگ کے دوران انتخابات کا انعقاد یوکرین کے لیے بہت خطرناک ہوگا۔ ان کا کہنا تھا کہ اس وقت انتخابات ملک کے لیے ایک سونامی کی مانند ہوں گے جو یوکرین کو تقسیم کر دیں گے۔
یوکرین نے مارشل لاء کے تحت انتخابات معطل کر رکھے ہیں، جسے عوام کی طرف سے وسیع پیمانے پر حمایت حاصل ہے۔ زیلنسکی نے کہا کہ اگر وہ ملک کو تباہ کرنا چاہتے ہیں تو وہ جنگ کے دوران انتخابات کی سمت بڑھ سکتے ہیں۔
انہوں نے سابق وزیر دفاع میخائیل فیڈوروف کی انتخابات کی کال کو مسترد کرتے ہوئے کہا کہ وہ خود کو غلط چیزوں کی طرف دھکیل رہے ہیں۔ زیلنسکی نے کہا کہ عوام کو احتجاج کا حق ہے مگر فوجی اہلکاروں کے ساتھ بے عزتی کے رویے سے خبردار کیا۔ کیف انسٹی ٹیوٹ آف سوشیالوجی کے سروے کے مطابق صرف 15 فیصد یوکرینی جنگ ختم ہونے سے قبل انتخابات کروانے کے حق میں ہیں۔
