روس یوکرین تنازعہ حل کروانے کے لئے تیار ہیں، اٹلی
ماسکو(صداۓ روس)
اطالوی وزیر خارجہ Luigi Di Maio نے کہا ہے کہ یوکرین کی صورت حال کے سفارتی حل میں روم کی مدد پر بھروسہ کیا جا سکتا ہے۔ انہوں نے روسی وزیر خارجہ سرگئی لاوروف کے ساتھ ملاقات میں کہا کہ میں روس اور یوکرین کی سرحد پر یوکرین کی مشرقی سرحدوں کے قریب کشیدگی پر بھی بات کرنا چاہوں گا۔ اٹلی شروع سے ہی سفارتی حل کے حق میں رہا ہے اور سفارتی تصفیہ تک پہنچنے میں مدد کے لیے اٹلی پر بھروسہ کیا جا سکتا ہے۔ اطالوی اعلیٰ سفارت کار نے کہا کہ دی مائیو نے اس بات پر بھی شکریہ ادا کیا کہ مختصر وقت کے اندر میٹنگ کا اہتمام کیا جا سکتا ہے۔
اطالوی وزیر خارجہ نے روسی ہم منصب سے مخاطب ہوتے ہوئے کہا کہ اس ملاقات کے لیے آپ کا شکریہ مجھے خوشی ہے کہ اتنے کم وقت میں اس کا انعقاد ممکن ہوا۔ ان کا کہنا تھا کہ میں اس بات سے اتفاق کرتا ہوں کہ ہمارے ممالک کے ثقافتی، اقتصادی اور سیاسی تعلقات ہمارے لوگوں کے درمیان دوستی کی بنیاد ہیں. اٹلی کے وزیر خارجہ نے کہا کہ ہم دونوں ممالک نے عالمی وبا کے دوران بھی روابط قائم کرنے میں کامیاب رہے ہیں اس سے بات چیت اور افہام و تفہیم کے فروغ میں مدد ملتی ہے جو بین الاقوامی ایجنڈے سے منسلک مسائل کے سفارتی حل کو بھی آسان بناتا ہے۔