یوم پاکستان کی مناسبت سے دنیا بھر کی طرح ماسکو، مینسک ، نورسلطان ، دوشنبے اور صوفیہ میں پاکستان کے سفارتخانوں میں رنگا رنگ تقریبات
ماسکو، مینسک ، نورسلطان ، دوشنبے ، صوفیہ (اشتیاق ہمدانی)
یوم پاکستان کی مناسبت سے دنیا بھر کی طرح ماسکو، مینسک ، نورسلطان ، دوشنبے اور صوفیہ میں پاکستان کے سفارتخانوں میں رنگا رنگ تقریبات منقعد ہوئیں، پاکستان سفارتخانہ ماسکو، روس پاکستانی سفارت خانے میں پرچم کشائی کی تقریب منعقد ہوئی جس میں روس میں مقیم پاکستانیوں اور مقامی سول سوسائٹی، سیاسی و سماجی شخصیات نے شرکت کی ۔ پرچم کشائی کی تقریب سفارت خانے میں ہوئی روس میں متعین پاکستان کے سفیر شفقت علی خان نے قومی پرچم کو ماسکو کی فضاؤں میں بلند کیا جس کے بعد سفارت خانہ ماسکو ڈپٹی ہیڈ آف مشن رانا ثمر جاوید اقبال نے صدر پاکستان کا پیغام پڑھ کر سنایا جبکہ سیکرٹری محمد طیب نے وزیراعظم پاکستان کا پیغام پڑھ کر سنایا۔
بیلا روس میں پاکستان کے قومی دن کی تقریب
پاکستان کے قومی دن کی یاد میں 23 مارچ 2022 کو سفارت خانہ پاکستان مینسک میں پاکستانی سفیر کی رہائش گاہ پر پرچم کشائی کی تقریب منعقد کی گئی۔ تقریب میں پاکستانی تارکین وطن، طلباء اور مختلف شعبہ ہائے زندگی سے تعلق رکھنے والے بیلاروسی شہریوں نے شرکت کی۔
اس موقع پر سفیر سجاد حیدر خان نے پاکستان کے قومی ترانے کی دھن پر قومی پرچم بلند کیا۔ شرکاء سے خطاب کرتے ہوئے، انہوں نے وزیر اعظم پاکستان کا پیغام دیا جس میں قائداعظم محمد علی جناح کی قیادت اور تحریک آزادی کے دیگر رہنماؤں کو شاندار خراج عقیدت پیش کیا گیا، جن کی غیر متزلزل جدوجہد آزادی پر منتج ہوئی۔ برصغیر کے مسلمان ریاست مدینہ کے نظریات پر پاکستان کو ترقی پسند اسلامی معاشرے میں پروان چڑھانے کے عزم کا اظہار کرتے ہوئے اس آزمائش کی گھڑی میں قوم کے درمیان اتحاد کی ضرورت پر زور دیا۔ اس موقع پر پاکستانی بچوں نے پاکستانی قومی نغمے بھی گائے۔
قازقستان کے درالحکومت نور سلطان،
یوم پاکستان کے حوالے سے پرچم کشائی کی تقریب پاکستان ہاؤس نور سلطان قازقستان میں منعقد ہوئی۔ تقریب میں پاکستانی کمیونٹی کے افراد کی ایک بڑی تعداد نے شرکت کی۔ تلاوت کلام پاک کے بعد صدر مملکت اور وزیر اعظم پاکستان کے خصوصی پیغامات حاضرین کو پڑھ کر سنائے گئے۔ سفیر سجاد احمد نے مہمانوں کو خوش آمدید کہا اور قومی دن منانے کی اہمیت پر زور دیا۔ قازقستان کے شہر الماتی میں بھی قومی دن کی تقریبات کا انعقاد کیا گیا۔
پاکستانی سفارتخانے نے 23 مارچ 2022 کو کمیونٹی کی بڑی شرکت کے ساتھ ایک خصوصی تقریب کا بھی اہتمام کیا ہے۔
دوشنبہ، تاجکستان میں پاکستان کے سفارتخانہ میں پرچم کشائی کی تقریب کا انعقاد کیا گیا۔ تقریب میں طلباء اور تاجروں سمیت پاکستانی کمیونٹی کے افراد نے شرکت کی۔ تقریب کا آغاز تلاوت کلام پاک سے ہوا جس کے بعد سفیر عمران حیدر نے قومی پرچم لہرایا۔ اس موقع پر صدر اور وزیر اعظم کے پیغامات سفیر اور ڈپٹی ہیڈ آف مشن نے پڑھ کر سنائے ۔
سفیر عمران حیدر نے کہا کہ 23 مارچ کے دن مسلمانوں نے اپنے مطالبے کو حقیقت بناتے ہوئے “علیحدہ ریاست” میں تبدیل کر دیا۔ انہوں نے مزید کہا کہ مسلمانوں کے لیے علیحدہ ریاست کا مطالبہ سیاسی طور پر درست ثابت ہوا ہے۔
جموں و کشمیر کا بھارت کے ساتھ غیر قانونی الحاق اور کشمیریوں کے حق خودارادیت سے انکار اس بات پر یقین کرنے کے لیے کافی بنیادیں ہیں کہ ہماری قیادت نے واضح طور پر اندازہ لگا لیا تھا کہ اگر برصغیر میں مسلمان ہندوؤں کے رحم و کرم پر رہتے تو ان کے لیے کیا ہوتا۔ انہوں نے کہا کہ ہمیں قائداعظم محمد علی جناح کے دیے گئے اتحاد، ایمان اور نظم و ضبط کے اصول پر عمل پیرا ہونے کی ضرورت ہے اور پاکستان کو ایک حقیقی جمہوری فلاحی ریاست کے طور پر ترقی دینے کے لیے خود کو وقف کرنا ہوگا۔
سفیر نے کہا کہ ہم اپنی قوم کو درپیش چیلنجز پر بھی غور کرتے ہیں۔ اس میں دہشت گردی کا خاتمہ، بین الاقوامی برادری کے ساتھ اچھے تعلقات کو فروغ دینا، اقتصادی ترقی کا حصول شامل ہے۔ انہوں نے کہا کہ پاکستانی قوم نے حال ہی میں اجتماعی کوششوں کے ذریعے جس طرح کوویڈ 19 پر قابو پایا ہے اس کو پوری دنیا نے سراہا ہے۔ وہ دن دور نہیں جب ہماری قوم معاشی طور پر مضبوط اور خوشحال ہوگی۔ آج پاکستان ثابت قدمی سے معاشی خوشحالی کی راہ پر گامزن ہے۔ تقریب کے اختتام پر پاکستانی کمیونٹی کے افراد نے بچوں کے ساتھ مل کر قومی گیت گائے۔
پاکستان کے 82ویں قومی دن کے موقع پر صوفیہ، بلغاریہ میں پاکستانی سفارتخانے کی جانب سے ایک سادہ اور پروقار پرچم کشائی کی تقریب کا انعقاد کیا گیا۔ تقریب میں پاکستانی کمیونٹی کے مختلف شعبہ ہائے زندگی سے تعلق رکھنے والے افراد اور صوفیہ میڈیکل یونیورسٹی کے طلباء نے شرکت کی۔ تقریب کا اہتمام ورلڈ ٹریڈ سینٹر صوفیہ کے باہر کیا گیا تھا، جہاں سفارت خانہ واقع ہے۔ تقریب کے آغاز پر جمہوریہ بلغاریہ میں پاکستان کی سفیر مریم مدیحہ آفتاب نے پاکستانی پرچم لہرایا۔ اس کے بعد شرکاء سفارت خانے کے چانسری ہال میں چلے گئے جہاں صدر اور وزیر اعظم پاکستان کے پیغامات حاضرین کو پڑھ کر سنائے گئے۔
اس موقع پر بات کرتے ہوئے سفیر نے دنیا بھر اور بالخصوص بلغاریہ میں مقیم پاکستانیوں کو پاکستان کے 82ویں قومی دن پر مبارکباد پیش کی جس میں پاکستان کی آزادی کی 75ویں سالگرہ بھی منائی گئی۔ اس دن کی مختصر تاریخ بتاتے ہوئے، انہوں نے پاکستان کے بانیوں اور آزادی پسندوں کے عزم اور حوصلے کی تعریف کی جن کی وجہ سے پاکستان 1947 میں ایک آزاد ملک کے طور پر ابھرا۔
انہوں نے اس موقع پر معصوم کشمیریوں کو بھی یاد کیا، جو وحشیانہ بھارتی جبر کا شکار ہیں اور کہا کہ پاکستانی حکومت ان کی اخلاقی، سفارتی اور سیاسی حمایت اس وقت تک جاری رکھے گی جب تک کہ اقوام متحدہ کی سلامتی کونسل کی متعلقہ قراردادوں کے مطابق اس مسئلے کے حل نہیں ہو جاتے.
