نیٹو کی فن لینڈ اور سویڈن میں تنصیبات قائم کرنے پر ردعمل دیں گے، پوتن
ماسکو (صداۓ روس)
روسی صدر ولادیمیر پوتن نے کہا کہ روس فن لینڈ اور سویڈن کے نیٹو میں ممکنہ الحاق پر پریشان نہیں ہے لیکن اگر نیٹو ان ممالک میں اپنا فوجی انفراسٹرکچر تعینات کرتا ہے تو روس اس کا جواب دے گا۔ صدر پوتن کے مطابق جہاں تک سویڈن اور فن لینڈ کا تعلق ہے، ہمیں سویڈن اور فن لینڈ کے ساتھ اس طرح کے مسائل نہیں ہیں، لیکن بدقسمتی سے ہمیں یوکرین کے ساتھ تنازعہ میں گھسیٹا گیا۔ ان کا کہنا تھا کہ ہمارا سویڈن اور فن لینڈ سے کوئی علاقائی تنازعہ نہیں ہے۔ ہمارے پاس نیٹو میں فن لینڈ اور سویڈن کی رکنیت کے نقطہ نظر سے تشویشناک چیز نہیں ہے۔
صدر پوتن نے کہا کہ دونوں ممالک چاہیں تو ایسا کرنے کے لیے آزاد ہیں۔ لیکن انہیں یہ بات واضح طور پر سمجھ لینی چاہیے کہ پہلے ان کے لیے کوئی خطرہ نہیں تھا اور اب ہمیں وہاں فوجی دستے اور انفراسٹرکچر کی تعیناتی کی صورت میں رد عمل کے طور پر جواب دینا پڑے گا. روسی صدر نے زور دے کر کہا کہ یہ بالکل واضح ہے! کیا وہ یہ نہیں سمجھتے؟ ہمارے پہلے فن لینڈ اور سویڈن کے ساتھ اچھے تعلقات تھے اور اب کچھ کشیدگی ہوگی۔