میں ہمیشہ روس کے ساتھ کھڑا رہوں گا، صدر شمالی کوریا
ماسکو (صداۓ روس)
شمالی کوریا کے رہنما کم جونگ ان نے امریکہ اور اس کے اتحادیوں کے ساتھ تعطل میں روس کی حمایت کا وعدہ کیا ہے۔ وہ روسی صدر ولادیمیر پوتن سے ملاقات کے لیے روس کے مشرق بعید امور کے علاقے میں خلائی تنصیب کا ایک تاریخی دورہ کر رہے ہیں۔ کم نے روس کے شہر ولادووستوک میں ہونے والے مذاکرات سے قبل کہا کہ “روس اپنی قومی خودمختاری اور تسلط پسند قوتوں کے خلاف حفاظت کے لیے ایک مقدس جنگ کے لیے اٹھ کھڑا ہوا ہے اورہم سامراج کے خلاف ہمیشہ روس کے ساتھ کھڑے رہیں گے۔”
کریملن کے ترجمان دیمتری پیسکوف نے بعد میں صحافیوں کو بتایا کہ روس اور شمالی کوریا کے وفود کے درمیان بات چیت صدر پوتن اور کم کے ریمارکس کے بعد ہوئی اور تقریباً ایک گھنٹے تک جاری رہی۔ اس کے بعد دونوں رہنماؤں کے درمیان ون ٹو ون ملاقات ہوئی۔ امریکی حکام نے کم کو ان کے سرکاری دورے سے قبل خبردار کیا تھا کہ وہ روس کو ہتھیار فروخت نہ کریں۔ تاہم یاد رہے کہ ماسکو اور نہ ہی پیانگ یانگ نے اس طرح کا کوئی سودا کرنے کا کوئی ارادہ ظاہر کیا ہے۔
یاد رہے اس سے قبل روس کے وزیر دفاع سرگئی شوئیگو نے جولائی میں شمالی کوریا کا دورہ کیا تھا جب پیانگ یانگ نے جنوبی کوریا کے ساتھ جنگ بندی کی 70 ویں سالگرہ منائی تھی۔ جزیرہ نما کوریا میں 1950 کی خانہ جنگی میں سیول کی طرف سے مداخلت کرنے والی بین الاقوامی قوت میں امریکہ بنیادی حصہ دار تھا۔ سوویت یونین اور چین نے تنازعہ میں مخالف فریق کی حمایت کی۔
Como recuperar mensagens de texto excluídas do celular? Não há lixeira para mensagens de texto, então como restaurar mensagens de texto após excluí – Las?