مغرب کا دنیا پر پانچ سو سالہ تسلط ختم ہورہا ہے، روسی وزیر خارجہ

ماسکو(صداۓ روس)
روس کے وزیر خارجہ سرگئی لاوروف نے دوحہ فورم سے اپنے خطاب میں کہا کہ مغرب کا ٥٠٠ سالہ طویل تسلط ختم ہو رہا ہے، جس کی جگہ “ایک نئی پولی سنٹرک دنیا” لے رہی ہے۔ وزیر خارجہ نے کہا کہ آپ کثیر قطبی دنیا پر بات کر رہے تھے جو ٥٠٠ سال کے تسلط کے بعد ابھر رہی ہے جسے ہم ‘اجتماعی مغرب’ کہتے ہیں. انہوں نے کہا کہ امریکہ اور اس کے اتحادیوں کا یہ تسلط متنوع تاریخ پر مبنی ہے، جس میں دوسرے ممالک کے لوگوں اور علاقوں کا بے رحمانہ استحصال بھی شامل ہے۔ روسی وزیر خارجہ کے مطابق مغرب کا یقین ہے کہ وہ اپنے تسلط کو برقرار رکھنے کے لیے عالمگیریت کے ماڈل کو استعمال کر سکتا ہے، جسے وہ صدیوں سے بنا رہا ہے۔

تاہم دیگر ممالک نے مغربی عالمگیریت کے اصولوں اور آلات کو بالکل استعمال کرتے ہوئے، مغرب کو اپنے ہی میدان میں شکست دی، قومی خودمختاری کی بنیاد پر دوسرے ممالک کے ساتھ مفادات کے توازن کی بنیاد پر معیشتوں کی تعمیر کی۔ انہوں نے کہا کہ آج کی دنیا میں اقتصادی ترقی اور سیاسی اثر و رسوخ کے نئے مراکز ابھر رہے ہیں جو دنیا میں طاقت کے توازن کو تبدیل کر رہے ہیں، نہ کہ مغرب کی پسند کے مطابق اب دنیا چلے گی بلکہ اس تسلط کو ختم کیا جا رہا ہے.

Facebook Comments Box