یوکرین یہ جنگ ہار رہا ہے، ناروے کی انٹیلی جنس کا دعوی

یوکرین یہ جنگ ہار رہا ہے، ناروے کی انٹیلی جنس کا دعوی

ماسکو (انٹرنیشنل ڈیسک)
ناروے کی انٹیلی جنس سروس نے خبردار کیا کہ روس یوکرین کی جنگ میں فائدہ اٹھا رہا ہے، کیونکہ روس کو چین، شمالی کوریا اور دیگر ممالک کی جانب سے اس کی زیادہ تعداد میں فوجیوں اور ہتھیاروں کی فراہمی ہے۔ ناروے کی دیگر سیکورٹی سروسز کے ساتھ اپنی سالانہ خطرے کی رپورٹ پیش کرتے ہوئے، ملٹری انٹیلی جنس یونٹ کے سربراہ نیلس اینڈریاس سٹینسنز نے کہا کہ کیف کو روسی لہر کو موڑنے کے لیے “وسیع” مغربی فوجی امداد کی ضرورت ہوگی۔ سٹینسنز نے صحافیوں کو بتایا کہ اس جنگ میں روس اس وقت ایک سال پہلے کی نسبت مضبوط پوزیشن میں ہے اور فائدہ حاصل کررہا ہے۔

انہوں نے کہا کہ روس یوکرین کے مقابلے میں تین گنا زیادہ فوجیوں کو متحرک کرسکتا ہے. انہوں نے مزید کہا کہ ماسکو توقع سے بہتر مغربی پابندیوں سے نمٹ رہا ہے اور اس کی صنعت اب کافی گولہ بارود، جنگی گاڑیاں، ڈرون اور میزائل تیار کر سکتی ہے تاکہ اس کی فوجیں “اپنی جنگ کو برقرار رکھ سکیں۔