ماسکو کے بغیر یوکرین پر کوئی بھی ملاقات بے سود ہے، روس چین متفق
ماسکو (صداۓ روس)
روسی وزیر خارجہ سرگئی لاوروف نے اپنے چینی ہم منصب وانگ یی کے ساتھ ایک نیوز کانفرنس میں کہا کہ روس اور چین نے اس بات پر اتفاق کیا کہ یوکرین پر ماسکو کے مفادات کو نظر انداز کرنے والی کوئی بھی ملاقات بے سود ہے۔سرگئی لاوروف نے کہا کہ ہم نے یوکرین کے بحران کی موجودہ صورتحال پر تبادلہ خیال کیا۔ ان کا کہنا تھا کہ ہم اور ہمارے چینی ساتھیوں نے اس نتیجے کی حمایت کی کہ کوئی بھی بین الاقوامی میٹنگیں جو روس کی پوزیشن کو نظر انداز کرتے ہوئے یوکرائنی رہنما ولادیمیر زیلنسکی کے نام نہاد امن فارمولے کو فروغ دیتی ہیں وہ حقیقت سے منقطع اور بیکار ہیں۔ روسی وزیر خارجہ لاوروف نے کہا کہ ماسکو یوکرین کے بارے میں غیر جانبدارانہ اور متوازن موقف کے ساتھ ساتھ سیاسی اور سفارتی ذرائع سے بحران کے حل میں مثبت کردار ادا کرنے پر بیجنگ کا شکر گزار ہے۔