سوویت ہتھیار امریکہ کو فروخت نہیں کیے، قزاقستان
آستانہ (صداۓ روس)
قازقستان نے ان خبروں کو مسترد کر دیا ہے کہ اس نے سوویت دور کے درجنوں ریٹائرڈ جنگی طیارے امریکہ سمیت بیرونی خریداروں کو فروخت کیے تھے، جو ممکنہ طور پر روس-یوکرین تنازعہ میں استعمال کے لیے کیف منتقل کیے جائیں گے۔ واضح رہے اتوار کو کیف پوسٹ نے رپورٹ کیا کہ واشنگٹن 117 میں سے 81 طیاروں کی بولی لگانے والا تھا، جس نے انہیں “آف شور اداروں کے ذریعے” 1.5 ملین ڈالر میں خریدا۔
رپورٹ میں یہ نہیں بتایا گیا کہ ہر قسم کے کتنے طیارے حاصل کیے گئے، لیکن اس میں کہا گیا کہ اس خریداری میں سوویت یونین ساختہ MiG-29 لڑاکا طیارے، MiG-27 لڑاکا بمبار اور Su-24 بمبار شامل ہیں۔ قازقستان نے نیلامی میں مگ 31 انٹرسیپٹرز بھی پیش کیے۔ رپورٹ کے مطابق تمام طیاروں کو “ناقابل استعمال حالت” میں درج کیا گیا تھا، اور انہیں جدید بنانے کے اخراجات کو اقتصادی طور پر ناقابل عمل سمجھا گیا تھا۔ یاد رہے یہ جنگی طیارے، جو 1970 اور 1980 کی دہائیوں میں بنائے گئے تھے، قازق فوج کے جدید بنانے کے پروگرام کے تحت ریٹائر کیے گئے تھے۔
تاہم قزاقستان نے ایسے تمام الزامات کی تردید کی ہے جس میں یہ کہا جا رہا ہے کہ قزاقستان نے سوویت یونین دور کے ہتھیار امریکہ کو فروخت کئے ہیں.