جرمن شہری یوکرین کی جنگ پھیلنے سے خوفزدہ ہیں، جرمن چانسلر کا اعتراف
ماسکو (انٹرنیشنل ڈیسک)
جرمن چانسلر اولاف شولز نے اعتراف کیا ہے کہ ملک کے بہت سے شہری یوکرین میں تنازعہ کے بگڑنے سے خوفزدہ ہیں، انہوں نے اپنی شہریوں کو اس بات کا یقین دلایا ہے کہ ان کے لیے امن کا تحفظ اولین ترجیح ہے۔ انہوں نے بنڈسٹیگ میں ایک حکومتی بیان دیتے ہوئے کہا کہ بہت سے شہری خوفزدہ ہیں کہ یوکرین جنگ میں اضافہ ہو سکتا ہے جس سے ہمارے لیے بھی سلامتی اور امن خطرے میں پڑ جائے گا۔ شولز نے تصدیق کی کہ امن کے بارے میں فکر کرنے میں کوئی ڈھٹائی یا بری بات نہیں ہے۔ ان کا کہنا تھا کہ میں جرمن شہریوں کے خدشات کا احترام کیا جانا چاہیے اور اسے سنجیدگی سے لیا جانا چاہیے اورمیں یہ ہر حال میں کرتا ہوں۔
دریں اثنا شولز نے نشاندہی کی کہ امن کے تحفظ کا مطلب سفید جھنڈا اٹھا لینا یا قوم کو تشدد اور لاقانونیت کے حوالے کرنا نہیں ہے۔ شولز نے زور دے کر کہا ہم جنگ کو سیاست کے ذریعہ استعمال کرنے کی اجازت نہیں دیں گے۔