پیرس پیرالمپکس میں روسی ایتھلیٹس نے 64 تمغے جیتے
ماسکو (صداۓ روس)
پیرس میں ہونے والے پیرالمپکس گیمز میں روسی ایتھلیٹس نے سونے کے 20، چاندی کے 21 اور کانسی کے 23 تمغے جیتے ہیں۔ ڈینس گیوریلوف پیرا اولمپکس میں حصہ لینے والے آخری روسی کھلاڑی تھے۔ وہ میراتھن میں بصارت سے محروم ایتھلیٹس میں چوتھے نمبر پر رہے۔ روسی اور بیلاروسی پیرالمپئنز کو صرف غیرجانبدار حیثیت میں مقابلہ کرنے کی اجازت تھی، کھلاڑیوں کے تمغوں کو مجموعی درجہ بندی میں شمار نہیں کیا جاتا۔ بیلاروسیوں نے چھ سونے اور ایک چاندی کے تمغے جیتے ہیں۔
پیرا اولمپکس میں کل 88 روسی ایتھلیٹس نے حصہ لیا۔ انہوں نے پانچ کھیلوں میں حصہ لیا: ایتھلیٹکس، تیراکی، ٹرائیتھلون، ٹیبل ٹینس اور تائیکوانڈو۔ پیرالمپکس کی اختتامی تقریب اتوار کو اسٹیڈ ڈی فرانس میں ہوگی۔
Facebook Comments Box