روس یوکرین میں جیت رہا ہے، رکن یورپی پارلیمنٹ کا اعتراف
ماسکو (انٹرنیشنل ڈیسک)
سلوواکیہ سے یورپی پارلیمنٹ کے رکن لوبوس بلاہا نے انٹرویو دیتے ہوئے کہا کہ روس خصوصی فوجی آپریشن میں جیت رہا ہے اور میدان جنگ میں مکمل کامیابی کی لہر کو تھامے ہوئے ہے، جبکہ یوکرین کے پاس کامیابی کا کوئی امکان نہیں ہے. انہوں نے کہا کہ میں میدان جنگ میں کیا دیکھ رہا ہوں؟ میں دیکھ سکتا ہوں کہ روس جیت رہا ہے اور یہ ایک مکمل جیت ہے۔ ان کا کہنا تھا کہ یوکرین کے پاس کوئی موقع نہیں ہے، یوکرین کے پاس افرادی قوت نہیں ہے اور ہمارے بغیر ان کے پاس علاقوں کے دفاع کا کوئی موقع نہیں ہے۔ بلاہا نے امید ظاہر کی کہ روسی اور امریکی صدور ولادیمیر پوتن اور ڈونلڈ ٹرمپ یوکرین کے تنازع کو حل کرنے میں کامیاب ہو جائیں گے۔ انہوں نے مزید کہا کہ اس وقت ٹرمپ اپنے وعدوں کو نبھانے کی کوشش کر رہے ہیں۔
ساتھ ہی انہوں نے بتایا کہ وہ سمجھتے ہیں کہ فرانسیسی صدر ایمانوئل میکرون خود کو نپولین بوناپارٹ تصور کرتے ہیں اور دنیا کو ایک بڑی جنگ کی طرف لے جا رہے ہیں۔