زیلنسکی نے ٹرمپ سے معافی مانگ لی
ماسکو (انٹرنیشنل ڈیسک)
مشرق وسطیٰ کے لیے امریکا کے خصوصی ایلچی اسٹیو وٹ کوف نے کہا ہے کہ یوکرینی رہنما ولادیمیر زیلنسکی نے وائٹ ہاؤس اسکینڈل پر امریکی صدر ڈونلڈ ٹرمپ سے معافی مانگ لی ہے۔ اس ہفتے سعودی عرب میں ہونے والی امریکی اور یوکرینی وفود کے درمیان ہونے والی ملاقات سے پہلے سینئر عہدیدار نے یہ بات فوکس نیوز کو انٹرویو دیتے ہوئے کہی۔ وٹ کوف نے کہا کہ واشنگٹن ” پیش رفت” کرنے کی توقع رکھتا ہے اور کیف کے ساتھ اہم مواد کے معاہدے پر دستخط کرنے کی امید کرتا ہے۔ انہوں نے بتایا زیلنسکی نے صدر کو ایک خط بھیجا اور انہوں نے اوول آفس میں پیش آنے والے اس پورے واقعے کے لیے معذرت کی. وِٹکوف نے کہا میرے خیال میں یہ ایک اہم قدم تھا اور ہماری ٹیموں اور یوکرینیوں اور یورپیوں کے درمیان کافی بحث ہوئی ہے جو اس بحث سے بھی متعلقہ ہیں۔
ٹرمپ نے انکشاف کیا کہ انہیں گزشتہ ہفتے زیلنسکی کی طرف سے ایک اہم خط موصول ہوا تھا، جس میں کہا گیا تھا کہ کیف نے جلد سے جلد مذاکرات کی میز پر آنے کے لیے آمادگی ظاہر کی ہے۔ تاہم امریکی صدر نے اس خط کا ذکر نہیں کیا جس میں اوول آفس اسکینڈل پر معافی نامہ شامل تھا۔