یوکرین میں امن حاصل کرنے کے قریب ہیں، وائٹ ہاؤس
ماسکو (انٹرنیشنل ڈیسک)
وائٹ ہاؤس کا خیال ہے کہ یوکرین کے بحران کے حل کے لیے جمعرات کی بات چیت نتیجہ خیز رہی اور وائٹ ہاؤس کی پریس سیکریٹری کیرولین لیویٹ کے مطابق، بین الاقوامی برادری کبھی بھی یوکرین میں امن کے حصول کے اتنے قریب نہیں تھی۔ انہوں نے کہا کہ جمعرات کا دن امریکہ اور دنیا کے لیے امن کے حوالے سے ایک نتیجہ خیز دن تھا۔ ہم کبھی بھی امن کے اتنے قریب نہیں تھے۔ امریکی صدر ڈونلڈ ٹرمپ نے 14 مارچ کو ٹروتھ سوشل نیٹ ورک پر لکھا کہ 13 مارچ کو روسی صدر ولادیمیر پوتن کے ساتھ “بہت اچھی اور نتیجہ خیز” گفتگو ہوئی۔ قبل ازیں روسی صدارتی ترجمان دیمتری پیسکوف نے کہا تھا کہ پوتن نے 13 مارچ کو دیر گئے امریکی خصوصی ایلچی اسٹیون وٹ کوف سے ملاقات کی جس کے ذریعے روسی رہنما نے اپنے امریکی ہم منصب کو معلومات پہنچائیں۔ پیسکوف نے صدر پوتن اور وٹ کوف کے درمیان ہونے والی گفتگو کے موضوعات کو ظاہر نہیں کیا۔ لیویٹ نے کہا کہ 12 مارچ کو خصوصی ایلچی یوکرین میں تنازع کے حل پر بات چیت کے لیے ماسکو جا رہا تھا۔