افغانستان نے خواتین کو سنگسار کرنے کا اعلان کردیا

افغانستان نے خواتین کو سنگسار کرنے کا اعلان کردیا

ماسکو (انٹرنیشنل ڈیسک)
افغان طالبان نے افغانستان میں خواتین کو کھلے میدان میں عوام کے سامنے زنا حد پر سنگسار کرنے کا اعلان کردیا۔امارت اسلامی افغانستان کے امیر المومنین ملا ہیبت اللّٰہ نے اپنے آڈیو بیان میں کہا کہ رجم پر عمل درآمد یقینی بنائیں گے۔انہوں نے کہا کہ افغانستان میں اسلامی حدود نافذ کرکے مجرمان کو کوڑے ماریں گے۔ نمائندہ امارت اسلامی نے ملا ہیبت اللّٰہ کے بیان کی تصدیق کرتے ہوئے کہا کہ آڈیو تین چار ماہ قبل کی ہے۔ انہوں نے کہا “ہمارا مشن شریعت اور اللہ کے حدود [قانون] کو نافذ کرنا ہے،”. ہیبت اللہ اخوندزادہ جنوبی افغان شہر قندھار میں رہتے ہیں اور شاذ و نادر ہی اسے چھوڑتے ہیں جسے طالبان کی تاریخی جائے پیدائش اور سیاسی ہیڈ کوارٹر کہا جاتا ہے۔

انہوں نے بنیادی طور پر طالبان حکومت کے مغربی ناقدین کو مخاطب کیا، جسے اخندزادہ قندھار سے مؤثر طریقے سے کنٹرول کر رہے ہیں. طالبان کے سربراہ نے کہا کہ “آپ اسے خواتین کے حقوق کی خلاف ورزی کہہ سکتے ہیں جب ہم انہیں سرعام سنگسار کرتے ہیں یا زنا کرنے پر کوڑے مارتے ہیں کیونکہ وہ آپ کے جمہوری اصولوں سے متصادم ہیں۔”