یوکرین خاتون قیدیوں کو بھی فوج میں بھرتی کرنے لگا
ماسکو (انٹرنیشنل ڈیسک)
یوکرین کی وزارت انصاف نے کہا کہ کیف نے اپنی پہلی سات خواتین قیدیوں کو فوج میں بھیج دیا ہے۔ فیس بک پر شائع ہونے والے ایک بیان میں کہا گیا ہے کہ خواتین قیدیوں نے پیرول کے بدلے میں شامل ہونے کی خواہش کا اظہار کیا۔ یہ اقدام پارلیمنٹ کے منظور کردہ اور مئی میں یوکرینی صدر ولادیمیر زیلنسکی کے دستخط کردہ ایک قانون سے ممکن ہوا۔ قانون سازی بعض جرائم کے مرتکب افراد کو پیرول کے بدلے فوج میں رضاکارانہ طور پر کام کرنے کی اجازت دیتی ہے۔ اس کے بعد ان کی درخواستوں کا ایک فوجی میڈیکل کمیشن اور ایک عدالت کے ذریعے جائزہ لیا جاتا ہے۔
یوکرین کی نائب وزیر انصاف ایلینا ویسوٹسکایا نے کہا مجرموں کو فوج میں بھرتی کرنے کا قانون جسے ورخوونا ردا نے منظور کیا ہے، نہ صرف مردوں کو، بلکہ خواتین کو بھی فوج میں داخل ہونے کا موقع فراہم کرتا ہے۔