چیف ایڈیٹر صداۓ روس اشتیاق ہمدانی کی روسی صدر کے ترجمان دیمیتری پسکوف سے ملاقات
ماسکو (صداۓ روس)
چیف ایڈیٹر صداۓ روس اشتیاق ہمدانی نے روسی صدر کے ترجمان دیمیتری پسکوف سے ملاقات کی ہے. روسی صدر کے ترجمان دیمیتری پسکوف سے ایک ایونٹ میں اشتیاق ہمدانی کی ملاقات ہوئی جس میں مختلف مضوعات پر تبادلہ خیال کیا گیا. اس گفتگو کے دوران چیف ایڈیٹر صداۓ روس نے روسی صدر کے ترجمان دیمیتری پسکوف سے روسی فیڈریشن کونسل کی چیئرپرسن ویلنٹینا میٹوینکو کا دورہ پاکستان اور سینیٹ اجلاس سے خطاب ، پاکستان روس فوجی مشقیں دوستی ، دونوں ممالک کے تعلقات اورُمیڈیا تعاون پر بات کی.
اس موقع پر دیمیتری پسکوف نے پوری توجہ کےساتھ اشتیاق ہمدانی کی بات بھی سنی اور اپنا نقطہ نظر بیان کیا۔ بات چیت کے دوران ترجمان روسی صدر نے پاکستان کے ساتھ اپنے تعلقات میں اپنی بھرپور دلچسپی کا اظہار کیا۔ دیمیتری پسکوف نے پاکستانی چینل کے لئے خصوصی انٹرویو کے لئے وقت دینے کا بھی وعدہ بھی کیا۔ خیال رہے اس ایونٹ میں 40 کے قریب ممالک کے سفیروں اور صحافتی نمایندوں کے علاوہ فلم اور تھیٹر سے وابستہ سٹارز بھی شامل تھے۔