قازقستان کے صدر توکایف کی ماسکو روانگی سے قبل نائب وزیراعظم سے اہم ملاقات
آستانہ (صداۓ روس)
قازقستان کے صدر قاسم جومارت توکایف نے روس کے پہلے نائب وزیراعظم دنیس مانتوروف سے ملاقات میں اپنی آئندہ ماسکو سرکاری دورے کے ایجنڈے اور دوطرفہ تعاون کے اہم نکات پر گفتگو کی۔ صدر کے پریس سروس کے مطابق دونوں ممالک کے درمیان وسیع البنیاد تعاون کے اہم شعبوں کا تفصیلی جائزہ لیا گیا۔ صدر توکایف نے اس موقع پر اپنے دورۂ روس کی اہمیت کو اجاگر کرتے ہوئے کہا کہ وہ پُراعتماد ہیں کہ ماسکو میں ہونے والی مذاکرات کامیاب ثابت ہوں گے۔ اُن کا کہنا تھا کہ دونوں ممالک کی حکومتیں متحرک انداز اور ہم آہنگی کے ساتھ کام کر رہی ہیں، جس کے نتیجے میں روس مسلسل قازقستان کے اہم ترین تجارتی اور معاشی شراکت داروں میں شامل ہے۔
پریس سروس کے مطابق توکایف اور مانتوروف کی ملاقات میں تجارت، معیشت، صنعتی تعاون سمیت متعدد باہمی دلچسپی کے شعبوں پر پیش رفت کا جائزہ لیا گیا، جبکہ آئندہ دورے کے دوران دونوں ممالک کے درمیان مزید مضبوط تعاون کی توقع ظاہر کی گئی۔ 
