ماسکو (انٹرنیشنل ڈیسک)
ایران میں سپریم لیڈر Ali Khamenei کی آخری رسومات اور عوامی الوداعی تقریب کو مؤخر کر دیا گیا ہے۔ ایرانی حکام کے مطابق اس تقریب کی نئی تاریخ بعد میں اعلان کی جائے گی۔
ایرانی سرکاری میڈیا کے مطابق الوداعی تقریب تہران میں شروع ہونا تھی، تاہم حکام نے بتایا کہ ملک بھر سے آنے والے لوگوں کی غیر معمولی بڑی تعداد کے باعث انتظامات کو بہتر بنانے کے لیے تقریب کو فی الحال ملتوی کر دیا گیا ہے۔
رپورٹس کے مطابق حکام کو خدشہ ہے کہ لاکھوں افراد اس تقریب میں شرکت کر سکتے ہیں، اس لیے سیکیورٹی اور انتظامی امور کو یقینی بنانے کے لیے مزید وقت درکار ہے۔ اسی وجہ سے نئی تاریخ اور شیڈول بعد میں جاری کیا جائے گا۔
یاد رہے کہ ایران کے سپریم لیڈر آیت اللہ علی خامنہ ای 28 فروری 2026 کو ہونے والے حملوں میں ہلاک ہو گئے تھے، جس کے بعد ملک میں قومی سوگ کا اعلان کیا گیا تھا۔
حکام کے مطابق تہران میں تین روزہ تعزیتی تقریبات منعقد کرنے کا منصوبہ تھا، تاہم موجودہ صورتحال کے پیش نظر پروگرام میں تبدیلی کی گئی ہے۔
