ماسکو (صداۓ روس)
روس کے صدر ولادیمیر پوتن نے آرتھوڈوکس عیسائیوں کے تہوار ایسٹر کے موقع پر عارضی جنگ بندی کا اعلان کیا ہے۔ کریملن کے جاری کردہ بیان کے مطابق یہ جنگ بندی 11 اپریل 2026 کو شام 4 بجے سے شروع ہو کر 12 اپریل کے اختتام تک جاری رہے گی۔ جاری بیان میں کہا گیا ہے کہ روس کو توقع ہے کہ یوکرین بھی اس اقدام کی پیروی کرے گا اور جنگ بندی کا احترام کرے گا۔ ساتھ ہی روسی افواج کو ہدایت دی گئی ہے کہ وہ کسی بھی ممکنہ اشتعال انگیزی یا خلاف ورزی کے پیش نظر تیار رہیں۔
