ماسکو (صداۓ روس)
چیچن ریپبلک کی وزارت صحت نے 20 ستمبر کو اعلان کیا کہ روس کی سب سے معمر شہری، 121 سالہ یاخا خشاگووا نے انتخابات میں ووٹ ڈالا۔ الیکشن کمیشن کے نمائندوں اور طبی عملے نے چیچن ویمن ڈے کے موقع پر سو سالہ خاتون کے گھر پہنچ کر ان سے ملاقات کی۔ ووٹ ڈالنے کے بعد طبی عملے نے ان کا طبی معائنہ کیا اور انہیں تہوار کی مبارکباد بھی دی۔ آر آئی اے نووستی نے علاقائی وزارت کے حوالے سے بتایا کہ یاخا خشاگووا نے گھر پر ہی ووٹ ڈالا، جس کے بعد طبی عملے نے ان کی صحت کا معائنہ کیا اور انہیں چیچن ویمن ڈے کی مبارکباد دی۔
یاخا خشاگووا 1905 میں پیدا ہوئیں۔ روسی سوشل فنڈ کی چیچن ریپبلک شاخ کے مطابق ان کے 20 پوتے پوتیاں اور 48 پڑپوتے پڑپوتیاں ہیں۔ 18 ستمبر کو پریسنکٹ الیکٹورل کمیشن نمبر 710 کی نائب چیئرپرسن تاتیانا پیتراک نے بتایا تھا کہ وولگوگراد میں 101 سالہ الیگزینڈرا ماشکووا کے لیے، جو جنگ سٹالن گراڈ کی شریک رہی ہیں، گھر پر ووٹنگ کا انتظام کیا گیا تھا۔ کراسنویارسک سے تعلق رکھنے والی ویلنتینا بابایوا، جنہوں نے کئی سال زچگی کے ہسپتال میں کام کیا، نے بھی اسی طرح اپنا ووٹ ڈالا۔ انہوں نے نرسنگ کورسز مکمل کیے اور بعد میں ارکٹسک میڈیکل کالج میں داخلہ لیا۔
