Connect with us

انٹرنیشنل

بھارت میں تیز رفتار ٹرک مندر میں جا گھسا، متعدد ہلاک

Published

on

بھارت میں تیز رفتار ٹرک مندر میں جا گھسا، متعدد ہلاک

بھارت میں تیز رفتار ٹرک مندر میں جا گھسا، متعدد ہلاک

دہلی (انٹرنیشنل ڈیسک)
ہندوستان کی ریاست بہار میں تیز رفتار ٹرک نے مندر میں گھس کر آٹھ کو ہلاک اور معتدد کو زخمی کر دیا۔ ہندوتانی ذرائع کے مطابق یہ حادثہ گزشتہ شب ریاست بہار کے ضلع ویشالی کے نیا گاؤں ٹولہ نامی علاقے میں پیش آیا۔ بتایا جاتا ہے کہ ایک تیز رفتار ٹرک حاجی پور مہنار ہائی وے کے کنارے بنے ایک مندر میں اچانک گھس آیا جہاں لوگوں کی ایک تعداد پوجا پاٹھ کے لئے موجود تھی۔

بعض ذرائع کے مطابق مرنے والوں کی تعداد 12 ہے جن میں سات بچے اور خواتین بھی شامل ہیں۔ حادثے میں متعدد زخمی بھی ہوئے ہیں جنہیں حاجی پور کے صدر ہسپتال میں منتقل کیا گیا ہے۔ بعض زخمیوں کی حالت نازک بھی بتائی جاتی ہے۔ اس حادثے میں ٹرک ڈرائیور بھی اپنی جان سے ہاتھ دھو بیٹھا۔

حادثے پر بھارتی وزیراعظم نریندر مودی نے اظہار افسوس کرتے ہوئے ہلاک ہونے والوں کے لواحقین کو دو دو لاکھ روپے اور زخمیوں کو پچاس ہزار روپے امداد دینے کا اعلان کیا ہے۔

انٹرنیشنل

یوکرین کے فوجی وفد کا خفیہ دورہ اسرائیل

Published

on

یوکرین کے فوجی وفد کا خفیہ دورہ اسرائیل

یوکرین کے فوجی وفد کا خفیہ دورہ اسرائیل

کیف (انٹرنیشنل ڈیسک)
رپورٹ کے مطابق اسرائیلی ذرائع ابلاغ کا کہنا ہے کہ پیر کی رات یوکرین کا ایک فوجی وفد خفیہ طور پر اسرائیل پہنچا جہاں اس نے اسرائیل کے اعلی فوجی حکام سے ملاقات کی۔ اسرائیل کے چینل 13 کا کہنا ہے کہ اسرائیلی حکام نے روس کے ساتھ کشیدگی نہ بڑھنے کے پیش نظر یوکرین کے فوجی وفد کے دورے کو خفیہ رکھا ہے۔ یوکرین کے فوجی وفد کے دورے کی مزید تفصیلات سامنے نہیں آئی ہیں۔ ماسکو اور تل ابیب کے تعلقات اسرائیل کی جانب سے جنگ یوکرین میں یورپ کی حمایت کی وجہ سے کشیدہ ہو گئے۔

یوکرائنی حکام کے مبینہ دورہ اسرائیل کا مقصد یوکرین کے میزائل ڈیفنس کو قبل از وقت وارننگ سسٹم فراہم کرنا تھا۔ اس کے علاوہ یوکرین کے وفد نے فوجی امداد کی درخواست کی ہوگی۔ اس دورے کے دوران یوکرینی وفد کی اسرائیلی فوجی اور دفاعی حکام کے ساتھ ملاقاتیں ہوئیں۔ اس سے پہلے 16 اکتوبر 2022 کو اسرائیل کے وزیر برائے تارکین وطن امور نخمان شائی نے اسرائیلی حکومت سے یوکرین کو فوجی امداد فراہم کرنے کا مطالبہ کیا تھا۔ تاہم 19 اکتوبر 2022 کو اسرائیلی وزیر دفاع بینی گانٹز نے دعویٰ کیا کہ اسرائیل یوکرین کو ہتھیار فروخت نہیں کرے گا۔

Continue Reading

ٹرینڈنگ