آستانہ (صداۓ روس)
قازقستان کے صدر قاسم جومارت توکایف نے کہا ہے کہ بالخاش نیوکلیئر پاور پلانٹ، جو ملک کا پہلا نیوکلیئر پاور پلانٹ ہوگا، اگلے سال سے تعمیر شروع ہو جائے گا۔ انہوں نے کہا کہ “روس اٹام کو کنسورشیم کا لیڈر منتخب کیا گیا ہے۔ 2024 کے تاریخی ریفرنڈم میں عوام کا یہ فیصلہ بالکل درست تھا۔” صدر توکایف نے دو ایوانوں والی پارلیمنٹ کے آخری مشترکہ اجلاس سے خطاب کرتے ہوئے کہا کہ نیوکلیئر پاور پلانٹ کی تعمیر ملک کی توانائی خودمختاری کی ضمانت اور مستقبل کی ڈیجیٹل معیشت کی بنیاد ہے۔ روس اٹام کے ڈائریکٹر جنرل الیکسی لیخاچوف نے رواں سال مئی میں روسی صدر ولادیمیر پوتن کے قازقستان کے دورے کے دوران بتایا تھا کہ 2027 میں تعمیراتی مرحلے پر منتقل ہونے کی توقع ہے۔
