ماسکو(انٹرنیشنل ڈیسک)
ایران نے امریکا کی جانب سے یکطرفہ طور پر اعلان کردہ جنگ بندی میں توسیع کو تسلیم کرنے سے انکار کر دیا ہے۔ ایرانی سرکاری ٹیلی وژن کے مطابق تہران اس اعلان کو نہیں مانتا اور اپنی قومی پالیسی کے تحت فیصلے کرے گا۔ رپورٹ کے مطابق ایرانی حکام کا کہنا ہے کہ ایران کو یہ حق حاصل ہے کہ وہ امریکا کی جانب سے اعلان کردہ جنگ بندی کی پابندی نہ کرے۔ بیان میں کہا گیا کہ ایران اپنے قومی مفادات کے مطابق اقدامات کرے گا اور کسی بھی فیصلے میں خودمختاری کو مقدم رکھا جائے گا۔ یہ مؤقف ایسے وقت میں سامنے آیا ہے جب امریکی صدر Donald Trump نے ایران کے ساتھ جنگ بندی میں توسیع کا اعلان کیا تھا، تاہم ایران نے اس اقدام کو یکطرفہ قرار دیتے ہوئے مسترد کر دیا ہے۔
