خیبر پختونخوا میں پبلک ٹرانسپورٹ کے کرایوں میں کمی
اسلام آباد (صداۓ روس)
خیبر پختونخوا میں ڈیزل کی قیمتوں میں حالیہ کمی کے بعد محکمہ ٹرانسپورٹ نے پبلک ٹرانسپورٹ کے لیے نیا کرایہ نامہ جاری کر دیا ہے۔ محکمہ کے مطابق اس فیصلے کا مقصد مسافروں پر مالی بوجھ کو کم کرنا اور طلبہ، خصوصی افراد اور بزرگ شہریوں کے لیے رعایت کو برقرار رکھنا ہے۔ محکمہ ٹرانسپورٹ کے اعلامیے کے مطابق 60 سال سے زیادہ عمر کے مسافروں، طلبہ اور خصوصی افراد کے لیے کرایوں میں پچاس فیصد رعایت برقرار رکھی گئی ہے تاکہ معاشرتی سطح پر سہولت فراہم کی جا سکے۔
اعلامیے میں مزید بتایا گیا کہ پشاور سے مختلف اضلاع کے لیے کرائے مندرجہ ذیل ہیں: 
پشاور سے کوہاٹ: 177 روپے (فلائنگ کوچ اور منی بس)
پشاور سے بنوں: 530 روپے
پشاور سے ڈیرہ اسماعیل خان: 870 روپے
پشاور سے ہری پور: 424 روپے
پشاور سے ایبٹ آباد: 530 روپے
پشاور سے مردان: 158 روپے
محکمہ ٹرانسپورٹ نے موٹروے کے ذریعے سفر کرنے والے مسافروں کے لیے بھی کرایے واضح کیے ہیں:
پشاور سے مردان: 316 روپے
پشاور سے ایبٹ آباد: 419 روپے
پشاور سے سوات کا کرایہ 468 روپے جبکہ پشاور سے چترال کا کرایہ 993 روپے مقرر کیا گیا ہے. محکمہ ٹرانسپورٹ کے حکام نے کہا کہ نیا کرایہ نامہ فوری طور پر نافذ العمل ہو گیا ہے اور تمام مسافروں سے درخواست کی گئی ہے کہ وہ کرایہ چیک کرنے کے بعد سفر کریں تاکہ کسی بھی قسم کی الجھن سے بچا جا سکے۔
