روس سے دفاع، رومانیہ، پولینڈ، جرمنی میں اضافی فوجی تعینات کریں گے، امریکہ
واشنگٹن (انٹرنیشنل ڈیسک)
پینٹاگون کے پریس سکریٹری جان کربی نے بدھ کو کہا کہ امریکہ رومانیہ، پولینڈ اور جرمنی میں اضافی فوجی یونٹس تعینات کرنے کا ارادہ رکھتا ہے۔ سکریٹری نے ایک نیوز کانفرنس میں کہا کہ امریکی صدر جو بائیڈن واضح رہے ہیں کہ امریکہ یورپ کی سلامتی اور استحکام کو بڑھتے ہوئے خطرے کا جواب دے گا۔ انہوں نے کہا کہ نیٹو کے آرٹیکل 5 اور اجتماعی دفاع کے لیے ہماری فوج کی ان ممالک میں تعیناتی درست ہے۔ کربی نے کہا اس عزم کے ایک حصے کے طور پر اور مختلف قسم کے ہنگامی حالات کے لیے امریکہ جلد ہی رومانیہ، پولینڈ اور جرمنی میں اضافی افواج بھیجے گا۔
