ماسکو (انٹرنیشنل ڈیسک)
خبر رساں ادارے ایکسیوس کے مطابق امریکہ نے سعودی عرب اور قطر میں تیل و گیس کی تنصیبات کے تحفظ کے لیے مزید دو پیٹریاٹ فضائی دفاعی بیٹریاں تعینات کی ہیں۔ رپورٹ کے مطابق واشنگٹن اپنے اتحادیوں کو یہ یقین دہانی کرانا چاہتا تھا کہ اگر ایران کے خلاف مکمل پیمانے کی کارروائی دوبارہ شروع کرنے کا فیصلہ کیا گیا تو وہ ان کی اہم توانائی تنصیبات کا تحفظ کرے گا۔ پورٹل کے مطابق اس ممکنہ پیش رفت کی تیاری کے طور پر امریکہ خطے میں مزید جنگی جہاز، لڑاکا طیارے اور فوجی دستے تعینات کر رہا ہے۔
