دہلی (انٹرنیشنل ڈیسک)
بھارتی لیجنڈری گلوکارہ لتا منگیشکرکو کورونا کے بعد ایک اور بیماری لاحق ہو گئی ہے. گزشتہ روز گلوکارہ کے کورونا میں مبتلا ہونے اور آئی سی یو میں داخل پونے کے بعد اب نمونیا کی بھی تشخیص ہوئی ہے، جس کے بعد ان کے مداح تشویش میں مبتلا ہوگئے ہیں. بھارت کی لیجنڈری گلوکارہ لتا منگیشکر میں کورونا کی تشخیص کے بعد اب نمونیا کی بھی تشخیص ہوئی ہے۔
بھارتی میڈیا رپورٹس کے مطابق 92 سالہ لتا منگیشکر کو اسپتال منتقل کیے جانے سے متعلق خبریں گزشتہ روز منظرِ عام پر آئیں لیکن وہ ہفتے کی شب سے ممبئی کے بریچ کینڈی اسپتال کے آئی سی یو میں داخل ہیں۔ لتا منگیشکر کے ڈاکٹر پریت صمدانی کا کہنا ہے کہ گلوکارہ کورونا کے ساتھ ساتھ نمونیا میں مبتلا ہیں۔
بریچ کینڈی اسپتال سے تعلق رکھنے والے ایسوسی ایٹ پروفیسر ڈاکٹر پریت صمدانی پچھلے کئی برسوں سے لتا منگیشکر کی دیکھ بھال کررہے ہیں۔