یوکرین کی جنگ جرمن معیشت کو کھانے لگی، سروے
برلن انٹرنیشنل ڈیسک
تازہ سروے نے جرمنی کے لیے اقتصادی ترقی میں کمی کی پیش گوئی کی ہے اور خبردار کیا ہے کہ جرآت مندانہ جوابی اقدامات کے بغیر، جرمنی میں صفر اقتصادی ترقی معمول بن جائے گی۔ رپورٹ کے مطابق، جرمن اخبار ہندلسبلات کے حوالے سے بتایا گیا ہے کہ ایک سروے کے نتائج سے ظاہر ہوتا ہے کہ موسم سرما میں جرمن معیشت مستحکم ہو جائے گی، تاہم اس بات کا امکان نہیں ہے کہ متوقع نمو حاصل ہو سکے گی۔ سروے کے مطابق، اقتصادی ترقی طویل مدت میں کمزور ہے۔
ہندلسبلات ریسرچ انسٹیٹیوٹ نے جرمنی کے لیے اپنی اقتصادی توقعات کو پھر سے قدرے کم کر دیا ہے۔ اس انسٹی ٹیوٹ نے ٢٠٢٤ کے لیے مجموعی اقتصادی پیداوار میں تقریباً سفر اشاریہ تین فیصد کے درمیانے اضافے کی توقع ہے جو کہ موسم گرما کی پیشن گوئی سے سفر اشاریہ تین فیصد کم ہے۔
اسی صورتحال میں انسٹی ٹیوٹ نے اس سال کے لیے اپنی پیشن گوئی کو ایڈجسٹ کیا اور اب ترقی میں تیزی سے سفر اشاریہ پانچ فیصد تک کمی کی توقع ظاہر کی ہے۔ تین مہینے پہلے ايچ آر آئی نے اب بھی فرض کیا تھا کہ جرمن معیشت اس سال سفر اشاریہ سات فیصد تک سکڑ جائے گی۔
ايچ آر آئی کے سربراہ بریٹ روروپ اس بارے میں کہتے ہیں کہ جرمن معیشت شاید جنگ کے بعد کی تاریخ میں سب سے مشکل مرحلے میں ہے۔ ان کا کہنا تھا کہ ساختگی مسائل، وبائی امراض اور یوکرین جنگ، جرمنی کے معاشی جھٹکوں کا سبب ہیں اور یہی وجہ ہے کہ جرمنی واحد بڑی معیشت ہے جو ابھی تک ٢٠١٩ میں بحران سے پہلے کی سطح پر نہیں پہنچ پایا ہے۔