یوکرین نے مغرب سے ایران اور شام پر حملہ کرنے کا مطالبہ کیا، برطانوی میڈیا
لندن انٹرنیشنل ڈیسک
دی گارڈین کی طرف سے جاری کی گئی ایک دستاویز کے مطابق، یوکرین کی حکومت نے گزشتہ ماہ اپنے مغربی حمایتیوں پر زور دیا تھا کہ وہ ایران اور شام میں ڈرون فیکٹریوں پر میزائل حملے کریں، یہاں تک کہ اگر ایسا کرنے کے لیے ہتھیار دیے جائیں تو یوکرین ان ممالک پر خود حملے کرنے کے لئے بھی تیار ہے. برطانوی اخبار نے رپورٹ کیا کہ زیر بحث دستاویز کو یوکرائنی حکام نے اگست میں جی سیون حکومتوں کے حوالے کیا تھا۔ اس میں یوکرینیوں نے دعویٰ کیا کہ روسی افواج کے زیر استعمال کامیکاز ڈرون ایران اور شام میں ایرانی مینوفیکچررز نے بنائے ہیں اور ان میں مغربی اجزاء شامل ہیں۔
یوکرین کا الزام ہے کہ روس ایرانی ساختہ شہید-١٣١ اور شہید-١٣٦ ڈرونز استعمال کرتا ہے اور ان میں بالترتیب ٥١ اور ٥٧ مغربی ساختہ پرزے ہوتے ہیں۔ دستاویز میں مبینہ طور پر کہا گیا ہے کہ ان ڈرونز کے تیار کنندگان میں ایسی کمپنیاں ہیں جن کا صدر دفتر امریکہ، سوئٹزرلینڈ، نیدرلینڈز، جرمنی، کینیڈا، جاپان اور پولینڈ کے اتحادی ممالک میں ہے. دوسری جانب ماسکو ایرانی ڈرونز کے استعمال والے یوکرینی دعویٰ کو مسترد کرتا ہے، اور اس بات پر اصرار کرتا ہے کہ یوکرین کے فوجی اور بنیادی ڈھانچے کے اہداف کو جو ڈرون نشانہ بناتا ہے وہ روس میں ڈیزائن اور بنایا گیا ہے۔