پاکستان میں انتخابات کے دوران سنگین خلاف ورزیاں ہوئیں, روسی مبصرین

پاکستان میں انتخابات کے دوران سنگین خلاف ورزیاں ہوئیں, روسی مبصرین

اسلام آباد (صداۓ روس)
پاکستان میں عام انتخابات 2024 کا جائزہ لینے کے لئے پاکستان کے دورے پر آنے والے روسی مبصرین کے وفد نے اپنے تحفظات پیش کئے ہیں. روس کے پبلک چیمبر کے مشاہداتی مشن نے پاکستان کی قومی اسمبلی اورصوبائی قانون ساز اداروں کے انتخابات کے دوران ملک کے پولنگ اسٹیشنوں پر متعدد خلاف ورزی نوٹ کیں. روسی فیڈریشن کے پبلک چیمبر کے وفد کے سربراہ، علاقائی ترقی، شہری ماحولیات اور بنیادی ڈھانچے کے کمیشن کے چیئرمین آندرے میکسیموف کا کہنا تھا کہ ان عام انتخابات میں متعدد خلاف ورزیاں ہوئیں تاہم اسلام آباد میں جہاں ہمیں دورہ کروایا گیا وہاں ہم نے کسی بھی قسم کی خلاف ورزی نوٹ نہیں کی. میکسیموف نے کہا کہ درحقیقت پاکستان میں ہونے والے عام انتخابات 2024 میں انتخابی قانون سازی کی متعدد خلاف ورزیاں ریکارڈ کی گئیں، جیسا کہ کسی بھی دوسرے ملک میں ہوتا ہے۔ اس حوالے سے ان کا کہنا تھا کہ ہم نے خاص طور پر دیکھا کہ الیکشن والے دن بھی بہت سے مقامی امیدوار مختلف فارمیٹس میں انتخابی مہم چلاتے رہے۔

انہوں نے مزید کہا کہ مثال کے طور پر بعض امیدواروں اور پارٹیوں کی حمایت میں جھنڈوں، بینروں اور آڈیو کے ساتھ کاریں شہر کے گرد گھوم رہی تھیں۔ کچھ معاملات میں ہم نے سڑکوں پر خیمے لگے ریکارڈ کیے، جنہیں ان کے منتظمین نے باضابطہ طور پر ووٹروں کے لیے ان کے نامزد پولنگ اسٹیشنوں کو تلاش کرنے میں مدد کے لئے لگایا تھا۔ وفد کے سربراہ نے کہا کہ عام انتخابات والے دن سنگین خلاف ورزیاں ہوئیں.

میکسیموف نے بتایا کہ پولنگ سٹیشنوں پر عام طور پر ووٹنگ کے طریقہ کار اور مختلف سیاسی جماعتوں کے امیدواروں کے برابری کے اصول کو سختی سے دیکھا گیا۔ انہوں نے اسلام آباد کے پولنگ سٹیشنوں پر سیاسی جماعتوں کے نمائندوں کی بڑی تعداد میں ان کے ایجنٹوں اور مبصرین کے طور پر موجودگی کی طرف بھی توجہ مبذول کروائی، جنہوں نے تمام انتخابی عمل کی پاکیزگی اور قانونی حیثیت کو بھی یقینی بنایا۔ میکسیموف نے مزید کہا کہ ہمیں پولنگ سٹیشنوں تک رسائی میں کوئی مسئلہ نہیں تھا۔

مرد اور خواتین کی ووٹنگ
میکسیموف نے کہا کہ پاکستان میں مردوں اور عورتوں کے لیے الگ الگ ووٹنگ کا رواج عام ہے، لیکن اسے شاید ہی صنفی امتیاز سمجھا جا سکے۔ انہوں نے کہا کہ تمام ممالک میں جہاں اسلام کی بالادستی ہے وہاں پولنگ سٹیشنوں کو مرد اور خواتین میں تقسیم نہیں کیا جاتا۔ انہوں نے بتایا کہ ہم پہلے ہی اس طرح کی صورت حال کا سامنا کر چکے ہیں۔ مثال کے طور پر لبنان میں لیکن پورے ملک میں نہیں کیونکہ لبنان ایک کثیر مذہبی اور کثیر الثقافتی ریاست ہے۔

پاکستانیوں کا رویہ
ان کا کہنا تھا کہ اس کے علاوہ پاکستانیوں نے ملک کی قومی اسمبلی اور صوبائی قانون ساز اداروں کے انتخابات میں اپنے کام کے دوران روسی مبصرین کا پرتپاک استقبال کیا۔ روسی فیڈریشن کے پبلک چیمبر کے مشاہداتی مشن کی رکن، خودمختاری کے معاملات پر کمیشن کی فرسٹ ڈپٹی چیئرمین نکیتا انسیموف نے کہا کہ پاکستان میں ہم نے روس اور خاص طور پر اپنے وفد کے ساتھ بہت دوستانہ رویہ دیکھا۔