یوکرینی فوج کی کمانڈر میٹنگ پر روس کا حملہ

یوکرینی فوج کی کمانڈر میٹنگ پر روس کا حملہ

ماسکو (صداۓ روس)
روسی وزارت دفاع نے دعویٰ کیا کہ روسی افواج نے اس مقام پر حملہ کیا ہے جہاں یوکرائنی سکیورٹی اور دفاعی کمانڈر میٹنگ کر رہے تھے۔ اس حملے کا تذکرہ وزارت کی روزانہ کی پریس بریفنگ میں کیا گیا۔ اس میں کہا گیا ہے کہ روسی حملے کے وقت یوکرین کی سیکیورٹی سروس (ایس بی یو) کے فوجی کمانڈر اور ان کے ہم منصب موجود تھے۔ اس ملاقات میں گزشتہ ٢٤ گھنٹوں میں روسی جنگی طیاروں، میزائل حملوں اور توپ خانے کے لیے چنے گئے اہداف کا ذکر کیا گیا۔ مسلح تصادم کے دونوں اطراف سے فوری طور پر اس حملے کے بارے میں کوئی اضافی تفصیلات دستیاب نہیں تھیں۔

یوکرین کے میڈیا اور ایجنسی کے اہلکاروں کے کچھ سرکاری بیانات کے مطابق، SBU کے ایجنٹ روس کے خلاف ڈرون حملے شروع کرنے میں اہم کردار ادا کرتے ہیں۔ اتوار کی صبح کراسنودار ریجن میں ایک آئل ریفائنری پر ڈرون حملے کو اس کے کارندوں سے منسوب کیا گیا، جو کے ان کی کاروائیوں کی ایک تازہ مثال ہے۔ حملے کی وجہ سے آگ لگ گئی اور مبینہ طور پر ایک ملازم دل کا دورہ پڑنے سے مر گیا۔

کیف میں ٢٠١٤ کی مسلح بغاوت کے بعد، ایس بی یو اور اس کے ملٹری ہم منصب، مین ڈائریکٹوریٹ آف انٹیلی جنس جی آر یو کو سی آئی اے نے روس کے ساتھ واشنگٹن کے ہائبرڈ تنازعے کے اہداف کی تکمیل کے لیے اصلاح کیا، امریکی پریس میں رپورٹس کے مطابق مغربی تربیت کے حامل یوکرینی باشندوں نے روسی فیڈریشن سے الحاق سے قبل ڈونیٹسک اور لوگانسک پیپلز ریپبلک میں اہلکاروں کے ٹارگٹ کلنگ بھی کیے تھے۔