لندن میں موبائل فون چھینے جانے کی وارداتیں عام، شہری پریشان
ماسکو (انٹرنیشنل ڈیسک)
برطانیہ کے دارالحکومت لندن میں بھی موبائل فون چوری اور چھینے جانے کی وارداتیں عام ہو گئی ہیں جس کی وجہ سے شہری پریشان ہیں. موبائل فون کا چھینا جانا یا چوری ہونا صرف غریب ممالک کا ہی مسئلہ نہیں بلکہ برطانوی اور خصوصاًً لندن کے باسی بھی اس سے پریشان ہیں۔ خبر رساں ادارے کی رپورٹ کے مطابق لندن میں ہر 4 منٹ کے بعد ایک موبائل فون چوری ہو جاتا ہے یا چھین لیا جاتا ہے، موبائل چھیننے والے سائیکل پر آتے ہیں ، موبائل فون ہتھیاتے ہیں اور فرار ہوجاتے ہیں۔رپورٹ میں بتایا گیا ہے کہ لندن کے سیف سٹی کیمرے اور متاثرہ افراد لٹیروں کو دیکھتے رہ جاتے ہیں، سینٹرل لندن کے ساتھ ساتھ برطانیہ کے دیگر اہم سیاحتی مقامات پر بھی موبائل فون چوری اور چھینا جھپٹی کے واقعات عام ہوچکے ہیں۔ اس حوالے سے جاری اعداد و شمار کے مطابق گزشتہ برس 1 لاکھ 21 ہزار سے زائد موبائل فون چوری ہوئے یا چھین لئے گئے۔